សិល្បៈករ សិល្បៈការិនីទាំងអស់ ដែលនឹងត្រូវចូលរួមសម្ដែងនៅក្នុងក្បួនដង្ហែ «ឈីងហ្គេ» ២០២៥ នៅសាធារណរដ្ឋសិង្ហបុរី

សូមជម្រាបថា សិល្បៈករ សិល្បៈការិនី ទាំងអស់ ដែលនឹងត្រូវចូលរួមសម្ដែងនៅក្នុងក្បួនដង្ហែ «ឈីងហ្គេ» ២០២៥ នៅសាធារណរដ្ឋសិង្ហបុរី បាននិងកំពុងហាត់សមយ៉ាងដោយយកចិត្តទុកដាក់ខ្ពស់បំផុត ក្រោមការបង្ហាត់បង្ហាញយ៉ាងយកចិត្តទុកដាក់ពីសំណាក់ លោកគ្រូ ព្រឿង ឈៀង អ្នកគ្រូ សុទ្ធ សុម៉ាលី អ្នកគ្រូ ជ័យ ច័ន្ទកិត្យា និងអ្នកគ្រូ ចាប ចំរើនតុលា ដែលសុទ្ធសឹងតែសិល្បៈករជំនាញជើង ចាស់ និងមានបទពិសោធន៍ដឹកនាំសិល្បៈករកម្ពុជាទៅសម្ដែងលើឆាកអន្តរជាតិជាច្រើនលើកច្រើនសារ។

គួរបញ្ជាក់ដែរថា គ្រប់ទម្រង់សិល្បៈដែលប្រតិភូ ស.ស.យ.ក. តែងបាននាំយកទៅសម្ដែងលើឆាកអន្តរជាតិ សុទ្ធសឹងតែទទួលបានការគាំទ្របច្ចេកទេសពីក្រសួងវប្បធម៌ និងវិចិត្រសិល្បៈផងដែរ៕ អរគុណសន្តិភាព