លោកអនុសេនីយឯក ទិត្យ វិច្ឆិកា គ្រូទ័ពប៉ារា ឆ័ត្រយោងពិសេស៩១១ (PARA KOMANDO) នៃទ័ពអាកាស នឹងឡើងឆាក
ភ្នំពេញ៖ គ្រូទ័ពប៉ារា ឆ័ត្រយោងពិសេស៩១១ (PARA KOMANDO) នៃទ័ពអាកាស បានសរសេរបង្ហោះតាមបណ្តាញសង្គម Facebook ថា ៖
” ១០ឆ្នាំ ដែលខានឡើងលើឆាកតន្ត្រី ខនសឺត របស់ស្ថានីយ៍ទូរទស្សន៍នៅក្នុងប្រទេស ចឹងថ្ងៃស្អែកសូមសាកល្បងម្តងទៅមើល? ចង់ដឹងថា កាលនៅពីយុវវ័យ នឹងដល់ពេលវ័យចំណាស់បែបនេះ តើការច្រៀងខុសគ្នាបែបណា …
ហើយខ្ញុំបាទក៏សូមថ្លែងអំណអគុណចំពោះលោកជំទាវ អគ្គនាយក ស្ថានីយ៍ទូរទស្សន៍ បាយ័ន្ត ដែលបានអនុញាត ផ្តល់ឱកាស អោយខ្ញុំបាទបានឡើងច្រៀងជាកិត្តិយស សំរាប់បងប្អូនខ្មែរ សន្តាប់នៅថ្ងៃស្អែកនេះ 🙏🙏🙏🇰🇭🇰🇭🇰🇭
ហើយក៏សូមអរគុណ ចំពោះ ឯ.ឧ អេង រឹទ្ធី ដែលស្រលាញ់រាប់អាននឹងយកចិត្តទុកដាក់យ៉ាងជ្រាលជ្រៅព្រមទាំងផ្តល់តំលៃអោយខ្ញុំជាមិត្តភាព គោរពស្រលាញ់រាប់អានគ្នា ជាច្រើនឆ្នាំកន្លងមកនេះ 🙏🙏🙏 🇰🇭🇰🇭🇰🇭KOMANDO 🇰🇭🇰🇭🇰🇭 ” ។
តាមពិត បើនិយាយពីល្បី ក៏មិនចាញ់នឹងតារាចំរៀង នឹងសំដែងដទៃទៀតដែរ លោកអនុសេនីយឯក ទិត្យ វិច្ឆិកា ធ្លាប់បានសំដែង និងបញ្ចេញទេពកោសល្យចំរៀងសំនៀងយ៉ាងរណ្តំយ៉ាងទាក់ទាញ ក៏ប៉ុន្តែលោកមិនអាចបញ្ចេញទេពកោសល្យទាំងនោះឲ្យអស់ពីសមត្ថភាពនោះទេ ព្រោះលោកមានតួនាទីជាគ្រូបង្រឹក និងផ្តល់ចំណេះដឹងសល់សិស្សឆ័ត្រយោងពិសេស៩១១ (PARA KOMANDO) ដូច្នោះការសម្តែងសិល្បៈ ហាក់បីដូចជាបាត់ឃើញ និងបាត់មួយរយៈធំ។
តែទោះជាយ៉ាងណា លោកក៏មានការសប្បាយរីករាយ នៅពេលដែលលោកជំទាវ ហ៊ុន ម៉ាណា អគ្គនាយិកាទូរទស្សន៍បាយ័ន្ត បានអនុញាត និងផ្តល់ឱកាសឲ្យលោកបានឡើងច្រៀងជាកិត្តិយស ដើម្បីបំពេរអារម្មណ៍ទូរទស្សនិកជននាថ្ងៃសៅរ៍ ទី០១ ខែកុម្ភៈ ២០២០នេះ វេលាម៉ោង១១.៣០នាទី តទៅ៕
