ឃាត់ខ្លួនជនសង្ស័យពីរនាក់បទ ឆក់ខ្សែក ស្ថិតនៅសង្កាត់ទួលស្វាយព្រៃទី១

ភ្នំពេញ៖ នៅថ្ងៃទី១០ ខែកុម្ភៈ ឆ្នាំ២០២០ វេលាម៉ោង១១និង១០នាទី នគរបាលប៉ុស្ដិ៍រដ្ឋបាលទួលស្វាយព្រៃទី១ បានធ្វើការឃាត់ខ្លួនជនសង្ស័យចំនួន ២នាក់ នៅចំណុចមុខការ៉ាសសាំងតូតាល់(Total) ផ្ទះលេខ២៦ ក្រុម២៩ ភូមិ៤ ផ្លូវ៣៤៨ សង្កាត់ទួលស្វាយព្រៃ១ ខណ្ឌបឹងកេងកង រាជធានីភ្នំពេញ ។

ជនសង្ស័យ ទាំងពីរនាក់មានឈ្មោះ ម៉ន សំនៀង ភេទប្រុស អាយុ២៦ឆ្នាំ ជនជាតិខ្មែរ ស្នាក់នៅ ផ្ទះ60Eoz ផ្លូវកម្ពុជាក្រោម សង្កាត់មិត្ដភាព ខណ្ឌ៧មករា រាជធានីភ្នំពេញ មុខរបរមិនពិតប្រាកដ(មុខសញ្ញាចាស់) ទើបចេញពីពន្ធនាគារពីបទឆក់)និងឈ្មោះ ធី ណារិទ្ធ ភេទប្រុស អាយុ២៨ឆ្នាំ ជនជាតិខ្មែរ ស្នាក់នៅផ្ទះជួល ផ្លូវបេតុង សង្កាត់ទួលសង្កែរ ខណ្ឌឫស្សីកែវ រាជធានីភ្នំពេញ មុខរបរមិនពិតប្រាកដ មុខសញ្ញាចាស់ ធ្លាប់ជាប់ពន្ធនាគារពីបទឆក់ វត្ថុតាងដែលដកហូតយកបានរួមមាន៖ -ម៉ូតូ ១គ្រឿងម៉ាក ហុងដាឌ្រីមសេ125 គ្មានស្លាកលេខ លេខតួ+ លេខម៉ាស៊ីន MDL 5686388 ជនរងគ្រោះមិនបានមកដាក់ពាក្យប្ដឹងទេ របួលស្នាមត្រង់ក។