នាយឧត្តមសេនីយ៍ គន់ គីម ដោះស្រាយដីសម្បទានសង្គមកិច្ច ជូនផ្ទះ និងដី ដល់អតីតយុទ្ធជនជិត ២០០គ្រួសារ ដែលគ្មានដី គ្មានផ្ទះ
កំពង់ធំ៖ គណៈកម្មាធិការសមាគមអតីតយុទ្ធជនកម្ពុជា ខេត្តកំពង់ធំ បានរៀបចំសន្ បានប្រារព្វធ្វើនិបាត បូកសរុបលទ្ធផលការងារអតីតយុទ្ធជន ដែលសម្រេចបាននៅក្នុងខេត្តកំពង់ធំ ប្រចាំឆ្នាំ២០១៩ និងលើកទិសដៅបន្ត ឆ្នាំ២០២០ នៅសាលប្រជុំសាលាខេត្តកំពង់ធំ នាព្រឹកថ្ងៃទី១៨ ខែកុម្ភៈ ឆ្នាំ២០២០ ដោយមានមន្រ្តីរាជការ កងកម្លាំង អាជ្ញាធរ អតីតយុទ្ធជនមកពីបណ្តាស្រុកក្រុង ជាង ៣០០នាក់ ។
នៅក្នុងពិធីសន្និបាត វត្តមាន ឯកឧត្តមនាយឧត្តមសេនីយ៍ គន់ គីម ទេសរដ្ឋមន្ត្រីទទួលបេសកកម្មពិសេស អនុប្រធានទី១ នៃគណៈកម្មាធិការគ្រប់គ្រងគ្រោះមហន្តរាយ និងជាអគ្គលេខាធិការសមាគមអតីតយុទ្ធជនកម្ពុជា បានអញ្ជើញជាអធិបតី រួមទាំង ឯកឧត្តម សុខ លូ អភិបាលនិងជាប្រធាន ស.អ.ក ខេត្ត និងប្រតិភូអមដំណើរ។
កិច្ចប្រជុំនេះ បានបង្ហាញពីការខិតខំប្រឹងប្រែងតាមគតិបណ្ឌិតសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានសមាគមយុទ្ធជនកម្ពុជា មានចក្ខុវិស័យបានរៀបចំជាសមាគមយុទ្ធជនគោលបំណងគិតគូរពីសុខទុក្ខប្រយោជន៍បងប្អូនអតីតយុទ្ធជន ដែលពួកគាត់សុទ្ធសឹងតែជាអ្នកចិត្តបូជាសាច់ស្រស់ឈាមស្រស់ចូលរួមធ្វើឱ្យប្រទេសសុខសន្តិភាព។
ឯកឧត្តម ឧត្តមសេនីយ៍ទោ សោម ស៊ុន ប្រធានសាមាគមអតីតយុទ្ធជនកម្ពុជា ខេត្តកំពង់ធំ មានប្រសាសន៍ថា ក្រោមការចង្អុលណែនាំរបស់ នាយឧត្តមសេនីយ៍ គន់ គីម ទេសរដ្ឋមន្ត្រី និងជាអគ្គលេខាធិការសមាគមអតីតយុទ្ធជន និងក្រោមការដឹកនាំរបស់ ឯកឧត្តម សុខ លូ អភិបាលនៃគណៈអភិបាលខេត្តកំពង់ធំ បានជួយយកចិត្តទុកដាក់ធ្វើឲ្យការងារសមាគមអតីតយុទ្ធជន និងធ្វើឲ្យអតីតយុទ្ធជនទទួលបានភាពកក់ក្តៅ និងជឿជាក់ទុកចិត្ត រួមទាំងបានស្មោះស្ម័គ្ររួមសុខរួមទុក្ខ ធ្វើដំណើរជាមួយនិងសម្តេចតេជោ ហ៊ុន សែន ដឹកនាំនាវាសន្តិភាព និងការអភិវឌ្ឍន៍ ឆ្ពោះទៅរកភាពរីកចម្រើន។ ឧត្តមសេនីយ៍ទោ សោម ស៊ុន បានបញ្ជាក់ពីថា បច្ចុប្បន្ននេះអតីតយុទ្ធជន ៣ ៥៧៣នាក់ បានជួយដោះស្រាយសាងសង់ផ្ទះជូនអតីតយុទ្ធជន ក្នុងខេត្តកំពង់ធំសរុប ១៤១ខ្នង និងកំពុងតែបន្តសាងសង់ ៣០ខ្នងទៀត ក្នុងនោះបន្ទាប់ពីសាងសង់រួច ឯកឧត្តម ទេសរដ្ឋមន្រ្តី គន់ គីម ជួយ១៧ខ្នងផ្ទះបន្ថែមទៀត ចំណែកសមាគមអតីតយុទ្ធជនខេត្ត បានរកឃើញអតីតយុទ្ធជន ដែលគ្មានដី គ្មានផ្ទះ ចំនួន ១៩៨គ្រួសារទៀត អត្ថប្រយោជន៍ ដែលអតីតយុទ្ធជនទទួលបាន ការបើកប្រាក់បេឡាមរណៈ ប្រាក់ធានារ៉ាប់រង ប័ណ្ណបេឡាជាតិ(ប.ស.ស) សាងសង់ផ្ទះជូនអតីតយុទ្ធជនដែលគ្មានដីគ្មានផ្ទះ និងមានដី តែគ្មានផ្ទះ។
ឯកឧត្តម សុខ លូ អភិបាលខេត្តកំពង់ធំ បានមានប្រសាសន៍ឲ្យអាជ្ញាធរ និងស្ថាប័ន មន្ទីរពាក់ព័ន្ឋ រួមគ្នាយក ចិត្តទុកដាក់ ដល់ក្រុមគ្រួសារអតីតយុទ្ធជន និងត្រូវចូលរួមដោះស្រាយដល់អតីតយុទ្ធជន និងប្រជាពលរដ្ឋ ដែលមានជីវភាពលំបាកខ្វះខាត នៅតាមមូលដ្ឋាន ជាពិសេសស្ថាប័នជំនាញពាក់ព័ន្ឋត្រូវ សហការគ្នាដើម្បី ដោះស្រាយដោយនិតិវិធី រក្សាដីសម្បទានសង្គមកិច្ច ដើម្បីទុកសំរាប់ការបែងចែកជូន ដល់អតីតយុទ្ធជន ដែលគ្មានដីគ្មានផ្ទះ តាមការគិតគូរដោយចក្ខុវិស័យដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជនកម្ពុជា។ ឯកឧត្តមមានប្រសាស៍កោតសរសើរដល់ប្រធានសមាគមអតីតយុទ្ធជនខេត្តកំពង់ធំ និងឯកឧត្តម អភិបាលខេត្ត ប្រធានកិត្តិយសសមាគម ដែលបានខិតខំប្រឹងប្រែងដោះស្រាយ ស្បៀងអាហារ ការចុះសួរសុខទុក្ខ និងការសាងសង់ផ្ទះជូនអតីតយុទ្ធជនយ៉ាងសកម្ម បានធ្វើឲ្យមានសកម្មភាពលេចធ្លោរ ក្នុងការងារអតីតយុទ្ធជន និងសូមអគុណ ប្រធាន គណកម្មការសមាគមស្រុកក្រុង រួមទាំងកងកម្លាំងប្រដាប់អាវុធទាំង៣ប្រភេទ និងអាជ្ញាធរ ដែលបានរួមសាមគ្គីគ្នា ធ្វើឲ្យការងារសម្រេចបានជោគជ័យគួរជាទីមោទនៈ។
ឯកឧត្តម ទេសរដ្ឋមន្រ្តី គន់ គីម បានសំណូមពរ ឲ្យអាជ្ញាធរ កងម្លាំង និងមន្ទីរសូរិយោដី រួមទាំងមេភូមិ មេឃុំ រួមគ្នាដោះស្រាយបញ្ហាដី សម្បទានសង្គមកិច្ច ដើម្បីរក្សាទុកជូនដល់បងប្អូនអតីតយុទ្ធជន ដែលជាអតីតកងកម្លាំង ដែលមានជីវភាពខ្វះខាត គ្មានដី គ្មានផ្ទះ ជាង ២០០គ្រួសារ និងត្រូវចាត់វិធានការដាច់ខាត ចំពោះការរំលោភរុករាន្ទកាន់កាប់ដីដោយខុសច្បាប់៕ ដោយ៖ មន្ទីរព័ត៌មានខេត្តកំពង់ធំ
