អគ្គិភ័យឆាបឆេះនៅផ្សារកអណ្តើក ស្រុកកំពង់ត្របែក ក្មេងតូចៗ បានបាត់បង់ជីវិតក្នុងភ្នក់ភ្លើង

ខេត្តព្រៃវែង៖ នៅវេលាម៉ោង ១២.៣០នាទី ខាងកើតផ្សារកអណ្តើក អគ្គីភ័យបានលេបត្របាក់ផ្ទះអស់១ខ្នង នៅផ្លូវកែងបែកជាបួនផ្លូវទៅស្វាយអាងោង ស្ថិតនៅភូមិចំបក់ ឃុំប្រាសាទ ស្រុកកំពង់ត្របែក ខេត្តព្រៃវែង ។

ក្នុងហេតុការណ៍ឆាបឆេះនេះផងដែរ បានបណ្តាលអោយបាត់បង់អាយុជីវិតក្មេងប្រុសម្នាក់ឈ្មោះ ឈួ ម៉េងជី ចំណែកឪពុក និងកូនស្រី រងរបួសធ្ងន់ បច្ចប្បន្នបានបញ្ជួនទៅសង្គ្រោះបន្ទាន់នៅមន្ទីរពេទ្យបង្អែកកំពង់ត្របែក ។

ហេតុការណ៍អគ្គីភ័យឆាបឆេះនេះត្រូវពន្លត់ជាស្ថាពរដោយប្រើប្រាស់ឡានទឹក អធិការដ្ឋាននគរបាលស្រុកកំពង់ត្របែក ដឹកនាំដោយលោក សួន សំអឿន ព្រមទាំងមានការសហការពីឡានទឹកស្រុកព្រះស្តេច ស្រុកស្វាយជ្រុំ អស់ជាច្រើនគ្រឿង ។

ម្ចាស់ផ្ទះឈ្មោះ ឈួ គង់ស្រុន ប្រពន្ធឈ្មោះ ភិន ស្រីរដ្ឋ កូនប្រុសឈ្មោះ ឈួ ម៉េង ជី កូនស្រី ឈ្មោះ ឈួ សៀងអេង។