ជនជាតិវៀតណាម ២នាក់ ពាក់ព័ន្ធករណីកាន់កាប់អាវុធ និងលួចម៉ូតូ
នៅថ្ងៃទី០៨ ខែមិនា ឆ្នាំ២០២០ វេលាម៉ោ០៣ និង៣០នាទី ប៉ុស្តិ៍នគរបាលរដ្ឋបាលភ្នំពេញថ្មី ឃាត់ខ្លួនជនសង្ស័យ២នាក់ ករណីលួចម៉ូតូ និងកាន់កាប់អាវុធគ្មានច្បាប់អនុញ្ញាត នៅចំណុចតាមផ្លូវបេតុងកែងផ្លូវ៥៩៨ ភូមិទំនប់ សង្កាត់ភ្នំពេញថ្មី ខណ្ឌសែនសុខ ។
ជនសង្ស័យ២នាក់រួមមាន៖ ១-ឈ្មោះ ជិន ថាន់ទង់ ភេទប្រុស អាយុ៣០ឆ្នាំ ជនជាតិវៀតណាម មុខរបរគ្មាន ស្នាក់នៅ ចល័តក្នុងរាជធានីភ្នំពេញ(គ្មានសារធាតុញៀន) ២-ឈ្មោះ ចាំង ថាន់ឡេ ភេទប្រុស អាយុ៣០ឆ្នាំ ជនជាតិវៀតណាម មុខរបរគ្មាន ស្នាក់នៅ ចល័ត ក្នុងរាជធានីភ្នំពេញ(គ្មានសារធាតុញៀន) ដកហូត អាវុធខ្លី ១ដើម ម៉ាករ៉ូឡូ ពណ៌ស លេខ 19TH0852 គ្រាប់ ៣គ្រាប់ ម៉ូតូ១គ្រឿង ម៉ាកសេ១២៥ ពណ៌ខ្មៅ ពាក់ស្លាកលេខ ភ្នំពេញ 1C-2532 ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
