ឃាត់ខ្លួនជនសង្ស័យម្នាក់ ក្រោយនាំបក្ខពួកគាស់ផ្ទះប្រជាពលរដ្ឋលួចទ្រព្យសម្បត្តិបាន១៥នាទី

ភ្នំពេញ៖ ជនសង្ស័យម្នាក់ ក្នុងចំណោមបក្ខពួក៣នាក់ ត្រូវបាននគរបាលខណ្ឌចំការមន ធ្វើការស្រាវជ្រាវ ចាប់ឃាត់ខ្លួនបាន ក្រោយធ្វើសកម្មភាពគាស់ផ្ទះរបស់ប្រជាពលរដ្ឋលួចយកទ្រព្យសម្បត្តិ ។

ករណីនេះបានកើតឡើងកាលពីវេលាម៉ោង២និង៤៥នាទី ថ្ងៃទី១០ ខែមីនា ឆ្នាំ២០២០ នៅចំណុចផ្ទះលេខ៥៨Eo ផ្លូវ៤៤៤ សង្កាត់ទួលទំពូង២ ខណ្ឌចំការមន រាជធានីភ្នំពេញ លុះដល់វេលាម៉ោង ៣រសៀល ថ្ងៃដដែល ពោលគឺរំលងបាន១៥នាទីប៉ុណ្ណោះ ក៏ត្រូវសមត្ថកិច្ចចាប់ឃាត់ខ្លួនបាន។

សមត្ថកិច្ចបានឲ្យដឹងថា ជនសង្ស័យទី១ឈ្មោះ សៅ ស៊ីណា ហៅ ប្រុញ ភេទប្រុស អាយុ៣០ឆ្នាំ ស្នាក់នៅបន្ទប់ជួល ភូមិ៥ ក្រុម២៨ សង្កាត់ស្ទឹងមានជ័យ២ ខណ្ឌមានជ័យ មុខរបររើសអេតចាយ។ ចំណែកបក្ខពួក២នាក់ទៀតបានគេចខ្លួន ។

ក្នុងនោះសមត្ថកិច្ចធ្វើការដកហូតបាន សម្ភារៈរួមមាន៖ ខោអាវថ្មីៗមួយចំនួន​ ម៉ូទរ័កាត់១គ្រឿង និងម៉ូតូវីវ៉ាចាស់១គ្រឿង ដែលជិះធ្វើសកម្មភាព ។

បច្ចុប្បន្នជនសង្យ័យបាននាំមកធិការខណ្ឌចំការមនធ្វើការសាកសួរ និងកសាងសំណុំរឿងបញ្ជូនខ្លួនទៅកាន់តុលាការចាត់ការតាមច្បាប់បន្តទៀត៕