ថ្នាំឆ្កួត(ICE) ត្រូវបានយុវតីស្រស់ស្អាតម្នាក់យកមកចែកចាយនិងប្រើប្រាស់ សមត្ថកិច្ចចាប់ឃាត់ខ្លួននិងដកហូតបានជាងកន្លះគីឡូក្រាម

ភ្នំពេញ៖ កម្លាំងជំនាញមន្ទីរប្រឆាំងគ្រឿងញៀន បានឃាត់ខ្លួន នារីជនសង្ស័យម្នាក់ រួមជាមួយថ្នាំញៀនជាងកន្លះគីឡូក្រាម នៅចំណុចទល់មុខផ្សារដើមគរ ផ្លូវម៉ៅសេងទុង សង្កាត់បឹងសាឡាង ខណ្ឌទួលគោក រាជធានីភ្នំពេញ ។

បើតាមលោក ស្រី សុវណ្ណ នាយករងមន្ទីរប្រឆាំងគ្រឿងញៀន បានអោយដឹងនាព្រឹកថ្ងៃទី២១ ខែមីនា ឆ្នាំ២០២០នេះថា ជនសង្ស័យដែលឃាត់ខ្លួននោះ មានឈ្មោះ ឃ សន ភេទស្រី អាយុ២៥ឆ្នាំ ជនជាតិខ្មែរ ដោយកម្លាំងសមត្ថកិច្ចជំនាញដកហូតបានសារធាតុញៀន ប្រភេទមេតំហ្វេតាមីន (ICE) ទម្ងន់សុទ្ធ ៥៩៨.៨១ក្រាម ។

បច្ចុប្បន្ន ស្ដ្រីជនសង្ស័យនោះ ត្រូវកម្លាំងជំនាញកំពុងសួរនាំ រកមុខសញ្ញាដែលពាក់ព័ន្ធ ដូចជាមេក្លោងនិងបក្ខពួក ៕