ថ្នាំឆ្កួត សមត្ថកិច្ចជំនាញឃាត់ខ្លួនជនសង្ស័យ២នាក់ជួញដូរប្រើប្រាស់ដោយខុសច្បាប់នូវសារធាតុញៀន

ខេត្តកំពង់ស្ពឺ៖ ជនសង្ស័យ២នាក់ត្រូវបាន សមត្ថកិច្ចជំនាញឃាត់ខ្លួនរួមនិងវត្ថុតាងពីបទជួញដូរប្រើប្រាស់ដោយខុសច្បាប់នូវសារធាតុញៀនចំណុចដីឡូគ្មានមនុស្សរស់នៅមួយកន្លែង កាលពីវេលាម៉ោង១៤និង​៣០​នាទី ថ្ងៃទី២១ ខែមិនាឆ្នាំ២០២០ ប្រភពពីលោកអធិការស្រុកថ្ពងបានប្រាប់អោយអ្នកយកព័ត៍មានយើងដឹងថា ជនសង្ស័យទាំងពីនាក់នេះ កម្លាំងសមត្ថកិច្ចជំនាញតាមដានរយៈពេលជាង១ខែមកហើយព្រោះកន្លែងរហូតម្ដងកន្លែងនេះម្ដង កន្លែងនោះម្ងត។ ប៉ុន្តែម្ដងនេះកម្លាំងសមត្ថកិច្ចជំនាញ បានកំណត់មុខសញ្ញាបាន ហើយឈានដល់ការបង្ក្រាបជនសង្ស័យបានចំនួន ២នាក់ នៅចំណុចក្នុងដីឡូដែលគ្មានមនុស្សរស់នៅស្ថិតនៅភូមិតាំងស្រឡៅ ឃុំតាំងស្យា ស្រុកភ្នំស្រួច ខេត្តកំពង់ស្ពឺ ១-ឈ្មោះ បូ សម្បត្តិ ហៅ គោ ភេទប្រុស អាយុ២០ឆ្នាំ នៅភូមិបឹងខ្នា ឃុំបឹងខ្នា ស្រុកបាកាន ខេត្តពោធិសាត់ ២-ឈ្មោះ ម៉ាន់ សុគង់ ភេទប្រុស អាយុ៣៦ឆ្នាំ នៅភូមិក្អែកពង ឃុំតាំងស្យាស្រុកភ្នំស្រួច ខេត្តកំពង់ស្ពឺ ដកហូតបានម្សៅក្រាម​ពណ៍សរថ្លា ចំនួន ១១កញ្ចប់តូច សង្ស័យជាគ្រឿងញៀន ទូរសព្វដៃ ចុចពិល ២គ្រឿង ម៉ូតូម៉ាក SL ពណ៍សពាក់ស្លាកលេខ ភ្នំពេញ ១AL-៥៨៥៩ ចំនួន១គ្រឿង និងឧបករណ៍សម្ភារៈសំរាប់ប្រើប្រាស់គ្រឿងញៀនមួយចំនួន។

កសាងសំណុំរឿងបញ្ជូនទៅការិយាល័យប្រឆាំងគ្រឿងញៀនខេត្តកសាងសំណុំរឿងបន្ត រួចបញ្ជូនជនសង្ស័យទាំង២នាក់និងវត្ថុតាងទៅសាលាដំបូងខេត្តកំពង់ស្ពឺដើម្បីចាត់ការតាមនិតិវិធី ៕ ដោយ៖អ៊ុំ ចិត្ត្រា