ក្រសួងសុខាភិបាលរកឃើញអ្នកឆ្លងមេរោគកូវីដ១៩ថ្មី ចំនួន៤នាក់ទៀត ធ្វើឱ្យចំនួនអ្នកឆ្លងសរុបកើនដល់៩១នាក់ ខណៈអ្នកជាសះស្បើយមាន៤នាក់

ភ្នំពេញ៖ បើតាមការប្រកាសរបស់ក្រសួងសុខាភិបាលនៅថ្ងៃនេះ កម្ពុជា បានរកឃើញអ្នកឆ្លងមេរោគ​កូវីដ​១៩ (COVID-19) ថ្មីចំនួន៤នាក់បន្ថែមទៀត ធ្វើឱ្យអ្នកឆ្លងជំងឺកូវីដ១៩ នៅក្នុងប្រទេស​កម្ពុជាបានឡើងដល់៩១នាក់ហើយ ខណៈមានអ្នកជាសះស្បើយពីជំងឺកូវីដ១៩ រហូតដល់ចំនួន៤នាក់ គិតត្រឹមយប់ថ្ងៃទី២៤ ខែមីនា ឆ្នាំ២០២០។

អ្នកឆ្លងថ្មីចំនួន៤នាក់ រួមមាន បុរសជនជាតិអង់គ្លេស អាយុ៦១ឆ្នាំ ស្រ្តីជនជាតិអង់គ្លេសអាយុ៦៩ឆ្នាំ ប្តីជនជាតិអាមេរិកអាយុ៥៩ឆ្នាំ និងប្រពន្ធជនជាតិអាមេរិកអាយុ៦២ឆ្នាំ។
អ្នកទាំង៤នាក់ជាអ្នកដំណើររបស់កប៉ាល់ Viking ដែលចូលចត នៅក្រុងកំពង់ចាម ខេត្តកំពង់ចាម។