លោកជំទាវ ទាង អេង ទៀ សីហា អញ្ជើញចុះមកជួបលោកគ្រូ អ្នកគ្រូពេទ្យក្នុងស្រុកអង្គរធំ និងចូលរួមផ្សព្វផ្សាយ ការប្រយុទ្ធប្រឆាំងការពារជំងឺCOVID-19

ខេត្តសៀមរាប៖ លោកជំទាវ ទាង អេង ទៀ សីហា មានក្តីសោមនស្សរីករាយយ៉ាងក្រៃលែង ដែលបានចុះមកជួបលោកគ្រូ អ្នកគ្រូពេទ្យនៅទីនេះផ្ទាល់ ក្នុងឳកាសចូលរួមផ្សព្វផ្សាយ និងប្រយុទ្ធប្រឆាំងការពារជំងឺCOVID-19 និងបាននាំយកអំណោយមនុស្សធម៌របស់សាខាកាកបាទក្រហមកម្ពុជាខេត្ត មកប្រគល់​ជូនមណ្ឌលសុខភាពចំនួន២កន្លែងនៅក្នុងស្រុកអង្គរធំ ខេត្តសៀមរាប ។

លោកជំទាវ ទាង អេង ទៀ សីហា ក៏បានពាំនាំនីវបណ្តាំផ្ញើសួរសុខទុក្ខពី សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងសេចក្តីនឹករលឹកពីសំណាក់ ឯកឧត្តម ទៀ សីហា អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ដែលតែងតែយកចិត្តទុកដាក់គិតគូរ ចំពោះសុខទុក្ខប្រជាពលរដ្ឋគ្រប់ៗរូប គ្រប់ទីកន្លែង ទីណាមានទុកលំបាកទីនោះតែងតែមានកាកបាទក្រហមចុះជួយជានិច្ច ។