រាជធានីភ្នំពេញ៖ នារីវ័យក្មេងម្នាក់ជាបុគ្គលិកក្រុមហ៊ុន K4 ខណៈកំពុងជិះម៉ូតូធ្វើដំណើរមិនចាប់អារម្មណ៍ ស្រាប់តែក្រុមចោរ២នាក់ ធ្វើសកម្មភាពឆក់កាបូបនាង បណ្តាលឲ្យនាងដួលម៉ូតូ អូសជាច្រើនម៉ែត្រ ហើយបានស្លាប់ពេលដឹកយកទៅសង្រ្គោះ នៅមន្ទីរពេទ្យកាល់ម៉ែត ។

ហេតុការណ៍ក្រុមចោរឆក់នេះ បានកើតឡើងនៅវេលាម៉ោង ប្រហែល២០និង២០នាទី ថ្ងៃទី០៧ ខែមេសា ឆ្នាំ២០២០ នៅចំណុចមុខផ្ទះលេខ96 ផ្លូវលេខ៣១០ ក្រុមទី៣៧ ភូមិ១៣ សង្កាត់បឹងកេងកង៣ ខណ្ឌបឹកេងកង ។ នារីរងគ្រោះឈ្មោះ លីវ ឡៃហួយ អាយុ២៣ឆ្នាំ ជនជាតិខែ្មរ មុខរបរបុគ្គលិកក្រុមហ៊ុនលក់គ្រឿងអេឡិកត្រូនិកខេ៤ ស្នាក់នៅផ្ទះជួលគ្មានលេខ ផ្លូវលំ ភូមិសន្សំកុសល់ សង្កាត់បឹងទំពន់ ខណ្ឌមានជ័យ និងមានស្រុកកំណើតនៅឃុំសណ្តាន់ ស្រុកសណ្តាន់ ខេត្តកំពង់ធំ ។ ប្រភពពីសមត្ថកិច្ច បានឲ្យដឹងថា មុនកើតហេតុនារីរងគ្រោះបានជិះម៉ូតូហុងដាឌ្រីម សេ១២៥ តាមបណ្តោយផ្លូវ៣១០ លុះដល់ចំណុចកើតហេតុ ស្រាប់តែមានជនសង្ស័យចំនួន២នាក់ ពុំស្កាល់អត្តសញ្ញាណជាប្រភេទក្មេងស្ទាវ ភេទប្រុស អាយុប្រហែល២០ឆ្នាំ ទៅ២២ឆ្នាំ បានជិះម៉ូតូមួយគ្រឿងម៉ាកហុងដាឌ្រីម សេ១២៥ ពណ៌ខ្មៅ ពុំចាំស្លាកលេខ ជិះស្របគ្នាមកពីក្រោយអែបក្បែរម៉ូតូជនរងគ្រោះ ហើយក៏ធ្វើសកម្មភាពឆក់កាបូបពីនារីរងគ្រោះ បណ្តាលឲ្យនារីរងគ្រោះដួល អូសម៉ូតូនិងរងរបួសធ្ងន់ ក្រោយបញ្ជូនដល់មន្ទីរពេទ្យកាល់ម៉ែត ក៏ដាច់ខ្យល់ស្លាប់។

សាកសព ត្រូវបានប្រគល់ជូនក្រុមគ្រួសារយកទៅធ្វើបុណ្យនៅវត្តទួលសង្កែ សង្កាត់ទួលសង្កែ ខណ្ឌឫស្សីកែវ ។ ចំណែក ជនសង្ស័យសមត្ថកិច្ចកំពុងតាមប្រមាញ់ចាប់ខ្លួននាំមកចាត់កាតាមផ្លូវ តែពលរដ្ឋដូចជារាវម្ជុលក្នុងបាតសមុទ្រ៕