ចំនួនអ្នកដែលបានឆ្លងជំងឺ COVID-19 បើតាមការចេញផ្សាយដោយសារព័ត៌មានបរទេសនៅទូទាំងប្រទេសរុស្សី​បានកើនឡើងដល់ ១៧៧១៦០នាក់ ច្រើនជាង​ករណី​ឆ្លងនៅប្រទេសបារាំង និងអាលឺ្លម៉ង់ទៅទៀត។
អាជ្ញាធរសុខាភិបាលប្រទេសរុស្សីបានឲ្យដឹងថា ត្រឹមរយៈពេល ២៤ម៉ោង​ចុង​ក្រោយនេះមានអ្នកឆ្លងរហូតទៅដល់ ១១២៣១នាក់ ដែលក្នុងចំណោម​អ្នកដែលឆ្លងថ្មីនេះមាន ៦៧០៣ករណី ត្រូវបានរកឃើញនៅក្នុងទីក្រុងម៉ូស្គូ​ដែលជាកន្លែងដែលកំពុងមានការរីករាលដាលខ្លាំងនៃជំងឺ COVID-19។

​ទន្ទឹមនឹងអត្រាឆ្លងថ្មីបានកើនឡើងបែបនេះ អាជ្ញាធរក៏បានរាយ​ការណ៍​ថា​មានករណីស្លាប់ចំនួន ៨៨នាក់បន្ថែមទៀត ធ្វើឱ្យចំនួនអ្នកស្លាប់សរុបកើន​ដល់ ១៦២៥នាក់ ខណៈមានមនុស្ស​ប្រមាណ៤.៨លាននាក់ បានទទួលការ​ធ្វើតេស្ដរក COVID-19៕ by AKP (ចេញផ្សាយ ថ្ងៃទី 8 ខែ ឧសភា ឆ្នាំ 2020)