គួរឲ្យអាសូរពេកក្រៃ! លោកយាយមេម៉ាយវ័យ៧៦ឆ្នាំ ទួញយំឱបចៅស្រី ក្រោយភ្លើងឆេះផ្ទះហ្មត់

ខេត្តកំពង់ឆ្នាំង៖ លោកយាយមេម៉ាយវ័យជរាម្នាក់ ត្រូវអគ្គិភ័យគ្មានមេត្តា បានលេបត្របាក់ផ្ទះ និងទ្រព្យសម្បត្តិអស់គ្មានសល់ វេលាម៉ោង ៥និង១០នាទីល្ងាច ថ្ងៃទី០៧ ខែមិថុនា ឆ្នាំ២០២០ ស្ថិតនៅភូមិទី៥ សង្កាត់ខ្សាម ក្រុងកំពង់ឆ្នាំង លោកយាយដែលត្រូវអគ្គិភ័យឆេះបំផ្លាញផ្ទះនេះ មានឈ្មោះ ខឹម យ៉ុង អាយុ៧៦ឆ្នាំ ជាស្រ្តីមេម៉ាយ ហើយចាស់ជរា រស់នៅជាមួយចៅស្រីម្នាក់ និងក្មួយស្រីម្នាក់ ។

ចំណែកផ្ទះដែលត្រូវភ្លើងឆេះនោះមានទំហំ ៤ម៉ែត្រគុណនឹង៥ម៉ែត្រ ដំបូលប្រក់ស្លឹក ព្រមទាំងខូចខាតអស់កង់ចំនួន ២គ្រឿង មាស២ជី ថវិកាមួយលានរៀល ព្រមទាំងសម្ភារៈប្រើប្រាស់មួយចំនួនទៀត៕ by KBN