មនុស្ស២នាក់រងរបួសស្រាលធ្ងន់ក្នុងករណីគ្រោះថ្នាក់ចរាចរណ៍រវាងម៉ូតូបុកម៉ូតូ
ខេត្តកណ្តាល៖ ហេតុការណ៍នេះកើតឡើងនៅថ្ងៃសៅរ៍១៤កើតខែ អាសាឍ ឆ្នាំជូតទោស័ក ព.ស២៥៦៤ ត្រូវនិងថ្ងៃទី៤.ខែកក្តដាឆ្នាំ២០២០ វេលាម៉ោង១២នឹង ៥៥នាទីថ្ងៃត្រង់។ចំណុចលើផ្លូវជាតិលេខ១ចន្លោះគីឡូម៉ែត្រលេខ២០/២១ក្នុងភូមិ ចិនកោះ ឃុំគគីរ ស្រុកកៀនស្វាយ ខេត្តកណ្តាល។
សូមជំរាបជូនថាបើយោងតាមសមត្ថកិច្ចបានឲដឹងនៅថ្ងៃ-វេលាម៉ោងកើតហេតុខាងលើមានម៉ូតូ ១គ្រឿងម៉ាកHONDA DREAM សេ125 ពណ៌ខ្មៅ ពាក់ផ្លាកលេខភ្នំពេញ1GO – 0070 បើកបរដោយឈ្មោះគឹមស៊ន់-វាសនា ភេទប្រុស អាយុ២៣ឆ្នាំជនជាតិខ្មែរ រងរបួសស្រាល មានទីលំនៅភូមិវាំង ឃុំជីផុច ស្រុកមេសាខេត្តព្រៃវែង។បើកបរក្នុងទិសដៅពីអ្នកលឿងទៅភ្នំពេញ តាមផ្លូវជាតិលេខ១លុះមកដល់ចំណុចកើតហេតុបានបុកជាមួយម៉ូតូមួយគ្រឿងម៉ាក HONDA CUB គុបជ្រុង50 ពណ៌ខៀវ-ពាក់ផ្លាកលេខភ្នំពេញ1U.8334 បើកបរដោយឈ្មោះអុឹម ផើង ភេទប្រុស អាយុ៧៥ឆ្នាំជនជាតិខ្មែរបណ្តាលឲរងរបួសធ្ងន់ មានទីលំនៅភូមិចន្លក់ ឃុំគគីរ ស្រុកកៀនស្វាយខេត្តកណ្ដាល។បើកបរក្នុងទិសដៅផ្ទុយគ្នា-បានបើកឆ្លងកាត់ផ្លូវមកខាងឆ្វេងដៃហើយជនរងគ្រោះត្រូវបានក្រុមគ្រួសារបញ្ជូនទៅមន្ទីរពេទ្យភ្នំពេញ ។ក្រោយកើតហេតុសមត្ថកិច្ចជំនាញបានចុះដល់កន្លែងកើតហេតុហើយធ្វើការពិនិត្យនឹងវាសវែងប្រមូលយកមធ្យោបាយពាក់ពន្ធទាំ២គ្រឿងយកមករក្សាទុកនៅអធិការនគរបាលស្រុកដើម្បីចាត់ការតាមនិតិវិធី។
សូមបញ្ជាក់ជូនដោយយោងតាមការសន្នដ្ឋានរបស់សមត្ថកិច្ចជំនាញករណីនេះបណ្តាលមកពី អ្នកបើកបរម៉ូតូម៉ាកHONDA CUB 50 ធ្វេសប្រហែសមិនបានមើលគ្រប់ជ្រុងជ្រោយមុនពេលបើកឆ្លងកាត់ផ្លូវនោះទេ។ចំណែកអ្នកបើកម៉ូតូម៉ាកHONDA DREAM សេ125ក៍មានការ ធ្វេសប្រហែសមិនមើលស្ថានភាពផ្លូវខាងមុខនោះផងដែរទើបបង្កឲ្យមានករណីគ្រោះថ្នាក់ចរាចរណ៍នេះកើតឡើង៕
