រដ្ឋបាលរាជធានីភ្នំពេញ មានការសោកស្ដាយយ៉ាងខ្លាំងចំពោះទង្វើរបស់កម្មករនិយោជិត នៃក្រុមហ៊ុន ស៉ីនទ្រី មួយចំនួនដែលមិនបានគោរពតាមការព្រមព្រៀង

តាមពិត កម្មកររបស់ក្រុមហ៊ុនសុិនទ្រីភាគច្រើន ដែលជាកម្មករបោស និងកម្មករកើបសម្រាម បានយល់ព្រមចូលធ្វើការឡើងវិញ ព្រោះពួកគាត់ត្រូវការផ្គត់ផ្គង់ជីវភាពរស់នៅប្រចាំថ្ងៃរបស់ពួកគាត់ មានតែកម្មករគាគតិចប៉ុណ្ណោះ គឺកម្មករបើកឡាន មិនព្រមចេញឡានប្រមូលសំរាម ហើយបន្តធ្វើកូដកម្មដោយទាមទារលក្ខណ្ឌខុសច្បាប់មិនអាចដោះស្រាយបាន បើទោះបីជារដ្ឋបាលរាធានីភ្នំពេញ បានធានាចំពោះពួកគាត់ក៏ដោយ។ នេះបើតាមហ្វេសប៊ុកផ្លូវការរបស់លោក ហួត ហៃ បានសរសេរបង្ហោះមុននេះ។

ហើយលោកក៏បាន “សូមអភ័យទោសបងប្អូនប្រជាពលរដ្ឋទាំងអស់ ដែលេស់នៅរាជធានីភ្នំពេញ ចំពោះបញ្ហាសំរាមកកស្ទះច្រើន។

រដ្ឋបាលរាជធានីភ្នំពេញ បាននឹងកំពុងប្រើប្រាស់កំលាំងសរុប មធ្យោបាយសរុប ដើម្បីដោះស្រាយបញ្ហានេះហើយ ប៉ុន្តែពុំទាន់បានឆ្លើយតបទៅនឹងទំហំការងារជាក់ស្តែងនៅឡើយ នឹងខិតខំបន្តដោះស្រាយបន្ថែមទៀតឲ្យទទួលបានជោគជ័យក្នុងពេលឆាប់ៗ។

ថ្ងៃនេះ ខ្ញុំនិង ឯកឧត្តម កើត ឆែ ត្រូវបានឯកឧត្តមអភិបាលរាជធានី ចាត់តាំងឲ្យមកចែកអំណោយអង្កររបស់សម្តេចតេជោ ជូនកម្មករក្រុមហ៊ុនសុិនទ្រី ក្នុងម្នាក់ៗ ២៥គីឡូក្រាម ចំនួនជាង ១០០នាក់ ដែលជាកម្មករកើប និងកម្មករបោស៕”