នគរបាលស្រុកអង្កស្នួលចុះបង្រ្កាបករណីរជួញដូរសារធាតុញៀនដោយខុសច្បាប់ និងឃាត់ខ្លួនបានម្នាក់
ខេត្តកណ្តាល៖ យុវជនជួញដូរដោយខុសច្បាប់នូវសារធាតុញៀនម្នាក់ត្រូវបានកម្លាំងនគរបាលស្រុកអង្កស្នួលធ្វើការឃាត់ខ្លួននៅថ្ងៃសៅរ៍ ៨រោច ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១០ ខែតុលាឆ្នាំ២០២០ វេលាម៉ោង១និង៣០នាទីរំលងអធ្រាត្រ នៅចំណុចកើតហេតុលើជ្លូវ១៤៥ ស្ថិតនៅភូមិអង្គស្នួលទី៣ ឃុំពើក ស្រុកអង្គស្នួល ខេត្តកណ្តាល ។
ជនសង្ស័យឈ្មោះ សន ធាណា ភេទប្រុស អាយុ២៤ឆ្នាំ ជនជាតិខ្មែរមុខរបរ មិនពិតប្រាកដ មានទីលំនៅបច្ចុប្បន្ននៅភូមិចំបក់ទន្សាយ ឃុំព្រៃពួចស្រុកអង្គស្នួល ខេត្តកណ្តាល។
វត្ថុតាងដកហូតមានម្សៅក្រាមពណ៏សថ្លាសង្ស័យជាសារធាតុញៀនម៉ាទឹកកកចំនួន ២កញ្ចប់ ១ធំ់ និង១កញ្ចាប់មធ្យម ទូស័ព្ទដៃ ១គ្រឿងម៉ាកoppo ថង់វេចខ្ចប់ថ្នាំញៀនមួយចំនួនទៀត និងម៉ូតូ ១គ្រឿងម៉ាក (sl) ពណ៌ខ្មៅ គ្មានផ្លាកលេខ។
បើយោងតាមសមត្ថកិច្ចឲ្យដឹងនៅថ្ងៃកើតហេតុខាងលើថា កម្លាំងប៉ុស្ថិ៍រដ្ឋបាលឃុំពើក បានចេញល្បាតក្នុងភូមិសាស្រ្តរបស់ខ្លួនលុះដល់ចំណុចកើតហេតុខាងលើ បានឃើញមុខសញ្ញាជួញដូរថ្នាំញៀនកំពង់ជិះម៉ូតូដោយមានការសង្ស័យកម្លាំងនគរបាលប៉ុស្តិក៏បានដេញតាមឃាត់ខ្លួនត្រួតពិនិត្យនឹងឆែកឆេរជនសង្ស័យក៏បានបោះថ្នាំញៀន និងថង់វេចខ្ចប់លើចិញ្ចើមផ្លូវ ពេលនោះកម្លាំងសមត្ថកិច្ចយើងក៍ឃាត់ខ្លួនជនសង្ស័យតែម្តង។
នៅចំពោះមុខជនសង្ស័យបានឆ្លើយសារភាពថា ថ្នាំញៀននេះខ្លួនបានទៅទិញពីមនុស្សប្រុសម្នាក់មិនស្គាល់ឈ្មោះនៅម្តុំភូមិវល្លិ៏សខេត្តកំពង់ស្ពឺ។ក្នុងតម្លៃ ៥០០ ០០០រៀល (ហាសឹបមុឹនរៀល) ដើម្បីយកមកលក់បន្ត្ត ហើយ ជនសង្សយ័ឈ្មោះ សន ធាណា បានឆ្លើយបន្តថា ខ្លួនធ្លាប់ជួញដូរថ្នាំញៀនរយៈពេល៤ខែមកហើយ និងធ្លាប់ប្រើប្រាស់ថ្នាំញៀនជិតមួយឆ្នាំមកហើយ ដែរ។
បច្ចប្បន្នជនសង្ស័យ រួមជាមួយវត្ថុតាង ត្រូវបានបញ្ជូនមកកាន់អធិការដ្ឋាននគរបាលស្រុក ដើម្បីសាកសួរបន្ត និងកសាងសំណុំរឿងចាត់ការតាមនីតិវិធីច្បាប់ ៕(សភារាជ)