បន្ទាប់ពីបានទទួលព័ត៌មានភ្លាមនៅថ្ងៃទី១៤ ខែតុលា ឆ្នាំ២០២០ម្សិលមិញ លោកវរសេនីយ៍ឯក យី វណ្ណដា អធិការនគរបាលក្រុងតាខ្មៅ បានបញ្ជាឲ្យកម្លាំងប៉ុស្តិ៍ សហការជាមួយក្រុមប្រឹក្សាសង្កាត់ មេភូមិព្រែកសំរោង៣ ដោយបានអញ្ជើញម្ចាស់ទីតាំងឲ្យធ្វើការប្រុងប្រយ័ត្នខ្ពស់ ដោយភ្ជាប់និងកិច្ចសន្យាម្ចាស់ទីតាំងផងដែរ។

តាមការចុះត្រួតពិនិត្យ និងសង្កេតឃើញថានៅជុំវិញ នៃទីតាំងនោះមានរបងព័ទ្ធជុំវិញមានកំពស់៣ម៉ែត្រ ហើយក្នុងអាងចិញ្ចឹមក្រពើមានរាបឥដ្ឋ មានកំពស់៣ម៉ែត្រកន្លះផងដែរ។

ជាមួយគ្នានោះ សមត្ថកិច្ចអំពាវនាវបងប្អូនប្រជាពលរដ្ឋដែលរស់នៅជិតកសិដ្ឋានចិញ្ចឹមក្រពើខាងលើកុំមានការព្រួយបារម្ភ៕