នគរបាលឃាត់ខ្លួនយុវជនម្នាក់ក្នុងករណីអំពើលួច(ម៉ូទ័រ)

ខេត្តកណ្តាល៖ ហេតុការណ៍កើតឡើងនៅថ្ងៃទី២៥ ខែតុលា ឆ្នាំ២០២០ វេលាម៉ោង១៧.៣០ នាទី នៅចំណុចភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាល។

ជនរងគ្រោះម្នាក់មានឈ្មោះ ហ៊ុល មករា ភេទប្រុស អាយុ២៧ឆ្នាំជនជាតិខ្មែរ មានទីលំនៅភូមិសង្កាត់កើតហេតុ។ ចំណែកឯជនសង្ស័យ១នាក់ឈ្មោះ រស់ អ៊ែល ភេទប្រុស អាយុ២០ឆ្នាំ ជនជាតិខ្មែរ ទីលំនៅភូមិ សង្កាត់កើតហេតុ (ឃាត់ខ្លួន)។ វត្ថុតាងចាប់យកម៉ូតូមួយគ្រឿងម៉ាក Honda cub 70 ពណ៍ទឹកប៊ិច ស្លាកលេខ កណ្តាល ១W-5550 (របសជនសង្ស័យ)​ម៉ូទ័របូមទឹកចំនួនមួយគ្រឿង(របស់ជនរងគ្រោះ)។

បើយោងតាមសមត្ថកិច្ចបានឲ្យដឹងថា មុនពេលកើតហេតុ ជនសង្ស័យបានធ្វើសកម្មភាពលួចម៉ូទ័របូមទឹករបស់ជនរងគ្រោះលើកដាក់ម៉ូតូ ពេលនោះជនរងគ្រោះក៏មកទាន់ ធ្វើឱ្យជនសង្ស័យភ័យបានរត់គេចខ្លួនចោលម៉ូតូបាត់ទៅ។ លុះបានប្រហែលមួយម៉ោងក្រោយមកជនសង្ស័យបានត្រឡប់មករកយកម៉ូតូរបស់ខ្លួនវិញ ពេលនោះក៏ត្រូវជនរងគ្រោះប្តឹងសមត្ថកិច្ចប៉ុស្តិរកាខ្ពស់ឲ្យចាប់ខ្លួនតែម្តង។

ក្រោយសាកសួរជនសង្ស័យបានឆ្លើយថា ខ្លួនពិតជាបានធ្វើសកម្មភាពលួចម៉ូទ័រខាងលើ របស់ជនរងគ្រោះពិតប្រាកដមែន ហើយធ្លាប់ធ្វើសកម្មភាពលួចសម្ភារៈរបស់គេនៅពេលយប់ចំនួន ៥ដងរួចមកហើយ។

បច្ចុប្បន្នជនសង្ស័យនិងវត្ថុតាងកំពុងឃាត់ខ្លួននៅអធិការដ្ឋាននគរបាលក្រុងតាខ្មៅ ដើម្បីចាត់ការតាមនិតិវិធី៕ (សភារាជ)