បើករថយន្តឃ្លប់ដឹកទំនិញលឿនដូចព្យុះ បោះពួយទៅដេកក្បែររបងព្រលានយន្តហោះយ៉ាងស្ងប់ស្ងៀម

ភ្នំពេញ៖ រថយន្តឃ្លប់ដឹកទំនិញមួយគ្រឿង ខណៈកំពុងបើកបរក្នុងល្បឿនលឿនដូចហោះ ស្រាប់តែបែកកង់មុខខាងស្តាំ រេចង្កូតកៀររនាំងដែក ៥ប្រឡោះ រួចក្រឡាប់បោកលើរបង រនាំងដែក របស់អាកាសយាន្តដ្ឋានអរន្តជាតិភ្នំពេញ ផ្ងារជើងឡើងលើ ដាច់កង់មុខ របូតចេញមកក្រៅអស់ សំណាងមិនមានមនុស្សរងរបួស ដែលកេណីគ្រោះថ្នាក់ចរាចរនេះបង្កឲ្យមានការភ្ញាក់ផ្អើល កាលពីវេលាម៉ោង៤និង៣០នាទីព្រឹក ថ្ងៃទី១៣ ខែធ្នូ ឆ្នាំ២០២០ ស្ថិតនៅ តាមមហាវិថីសហព័ន្ធរុស្សុី ភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មាននៅកន្លែងកើតហេតុបានឲ្យដឹងថា មានរថយន្តកូរ៉េឃ្លប់ដឹកទំនិញមួយគ្រឿង ពណ៌ស ពាក់ស្លាកលេខ ភ្នំពេញ 3E-6539 បានធ្វើដំណើរក្នុងទិសដៅពីត្បូងទៅជើង ខណៈមកដល់ចំណុចកើតហេតុស្រាប់តែបែកកង់បណ្តាលឲ្យរេចង្កូតទៅបុករនាំងដែកដែលនៅអមតាមបណ្តោយផ្លូងខាងលើ បាក់អស់ជាច្រើនផ្ទាំងរួចក្រឡាប់ផ្ងារជើងតែម្តង។

ក្រោយកើតហេតុ សមត្ថកិច្ចមូលដ្ឋានបានចុះដល់ទីតាំងខាងលើរួចរាយការណ៍ទៅជំនាញចរាចរណ៍ស្នងការដ្ឋានរាជធានីភ្នំពេញធ្វើការវាស់វែងរួចយកទៅរក្សាទុកដើម្បីរង់ចាំការដោះស្រាយតាមនិតិវិធី ៕