Barcelona ឈានទៅវគ្គផ្តាច់ព្រ័ត្រដណ្តើមពាន Super Cup ក្រោយទម្លាក់ Real Sociedad
ម៉ាឌ្រីដ៖ FC Barcelona បានកក់កៅអីឡើងទៅវគ្គផ្តាច់ព្រ័ត្រនៃព្រឹត្តិការណ៍ Spanish-Super Cup 2021 នៅពេលយកឈ្នះគូប្រជែង Real Sociedad ដោយបាល់ប៉េណាល់ទីកាត់សេចក្តី ៣-២ ក្រោយបញ្ចប់ ១២០នាទីស្មើគ្នា ១-១ នារាត្រីថ្ងៃពុធ ទី១៣ ខែមករា ឆ្នាំ២០២១។
ក្រុមរបស់លោក Ronald Koeman ត្រូវរង់ចាំរវាងក្រុមឈ្នះ Real Madrid ប៉ះ Athletic Bilbao នៅម៉ោង ៣៖០០នាទីយប់នេះប្រកួតបញ្ចប់វគ្គ ៤ក្រុមចុងក្រោយ មុនប្រកួតវគ្គផ្តាច់ព្រ័ត្រដែលនឹងធ្វើឡើងនៅរាត្រីថ្ងៃទី១៨ ខែមករា ឆ្នាំ២០២១ ដ៏ខ្លីខាងមុខនេះ។
ខ្សែបម្រើមកពីហូឡង់ Frenkie de Jong ជាអ្នករកបានគ្រាប់បើកឆាកឲ្យ FC Barcelona ពីការបញ្ជូនរបស់ Antoine Griezmann ក្នុងការប្រកួតដែលពុំមានឈ្មោះ Lionel Messi មុនពេលត្រូវបានកីឡាករ Mikel Oyarzabal ទាត់បាល់ ១១ម៉ែត្រទម្លុះសំណាញ់ទី Marc-Andre ter Stegen វិញនៅនាទី៥១ រហូតដល់ចប់ការប្រកួតពេញម៉ោង ៩០នាទី និងថែម ១៥នាទី ២ដង៕ by AKP
