កើនទៀតហើយ ត្រឹមតែរយៈពេល៣ថ្ងៃ កម្ពុជាឆ្លងជម្ងឺកូវិដ.១៩ចូលពីក្រៅប្រទេស ៣៨នាក់
គិតត្រឹមម៉ោង០៨:៣០នាទីព្រឹក ថ្ងៃទី១៦ ខែមករា ឆ្នាំ២០២១ ក្រសួងសុខាភិបាលបានប្រកាសពីការរកឃេីញករណីជំងឺកូវីដ-១៩ នាំចូលថ្មី ១០នាក់ ជាពលករខ្មែរត្រលប់ពីប្រទេសថៃ មានខេត្តបន្ទាយមានជ័យទាំងអស់ និងមានជាសះស្បេីយ ១នាក់(ប៉ៃលិន) ដូច្នេះចំនួនករណីជំងឺកូវីដ-១៩សរុបកេីន ៤៣៦នាក់ ចំនួនសំរាកពេទ្យកេីន ៥៤នាក់ និងចំនួនជាសះស្បេីយសរុបចំនួនកេីន ៣៨២នាក់ និងស្លាប់គ្មាន។
ជំងឺកូវីដ-១៩ នៅតែបន្តគម្រាមកំហែងយេីងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបេីមិនចាំបាច់ ព្រោះប្រទេសយេីងកំពុងរាត្បាតក្នុងសហគមន៍ និងប្រទេសជិតខាងយេីងនិងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡេីយ និងត្រូវបន្តគម្លាតបុគ្គលបន្តទៀត ដូចជាអង្គុយគម្លាតពីគ្នា ឈររងចាំគម្លាតពីគ្នា ឈរជជែកគ្នាគម្លាតពីគ្នា ហើយត្រូវបន្តពាក់ម៉ាស់ជាប់ជានិច្ច និងឧស្សាហ៍លាងដៃជាមួយសាប៊ូ អាល់កុល ឬជែល ។
សូមបញ្ជាក់ថា ប្រទេសយេីងរកឃេីញករណីជំងឺកូវីដ១៩ដំបូងបំផុតនៅថ្ងៃទី ២៧ មករា ២០២០ នាយកដ្ឋានប្រយុទ្ធនឹងជម្ងឺឆ្លងបានធ្វេីតេស្តចំនួន ៣៦៨៨៦៦ ស្មេីនឹង ២១៩៥៦ ក្នុង១លាននាក់ ព័ត៌មានបន្ថែមសូមទាក់ទងលេខ 115 ។
