អរគុណមិត្តចិន ដែលបានផ្ដល់ វ៉ាក់សាំងការពារកូវីដ១៩ ចំនួន ១លានដូស មកដល់កម្ពុជា !

ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅរាត្រីថ្ងៃទី១៥ ខែមករា ឆ្នាំ​២០២០ ប្រកាសឱ្យដឹងតាមរយៈសារសំឡេងពិសេសថា រដ្ឋាភិបាលសាធារណរដ្ឋប្រជាមានិតចិន តាមរយៈ ក្រសួងការពារជាតិចិន និងក្រសួងការពារជាតិកម្ពុជា បានផ្តល់វ៉ាក់សាំងការពារវីរុសកូវីដ-១៩ ចំនួន ១លាន​ដូស ដល់កម្ពុជា សម្រាប់ចាក់ជូនប្រជាជនកម្ពុជា ចំនួន ៥០មុឺននាក់។ សុំឲ្យបងប្អូនជនរួមជាតិស្ងប់អារម្មណ៍ វ៉ាក់សាំងកូវីដ-១៩ ក្រៅពីចាក់ជូនកងទ័ព នគរបាល គ្រូពេទ្យ គ្រូបង្រៀន ដែលជាអង្គភាពជួរមុខដែលត្រូវចាក់មុនគេនោះ ហើយវ៉ាក់សាំងកូវីដ-១៩ នឹងបន្តចាក់ជូនដោយឥតគិតថ្លៃជូន បុគ្គលិកអនាម័យ រាប់ទាំង អ្នករត់ម៉ូតូឌុប អ្នករត់កង់បី និងប្រជាពលរដ្ឋផងដែរ។ សម្តេចតេជោ ហ៊ុន សែន បានប្រកាសឱ្យដឹងបែបនេះ តាម​រយៈសារសំឡេងជាពិសេសផ្ញើជូនប្រជាពលរដ្ឋនៅតាមបណ្តាញសង្គម។