បង្រ្កាបគ្រឿងញៀនដូចភ្លៀងរលឹម លោក វរសេនីយ៍ទោ ស៊ុំ ធនរតនា អធិការរងខណ្ឌសែនសុខ ដឹកនាំកម្លាំងចុះបង្ក្រាបករណីគ្រឿងញៀន
ភ្នំពេញ៖ ដោយមានការងារចង្អុលបង្ហាញពីលោកវរសេនីយ៍ឯក ហួរ ម៉េងវ៉ាង អធិការខណ្ឌនគរបាលខណ្ឌសែនសុខ លោកវរសេនីយ៍ទោ ស៊ុំ ធនរតនា អធិការរងខណ្ឌសែនសុខ ទទួលផែនបង្ក្រាបបទល្មើសគ្រឿងញៀន បានដឹកនាំកម្លាំងចុះបង្ក្រាប ករណីគ្រឿងញៀននៅចំណុចផ្លូវបេតុង ភូមិបូរីកម្មករ សង្កាត់ទឹកថ្លា ខណ្ឌសែនសុខ កាលពីវេលាម៉ោង១២:៣០នាទី ថ្ងៃទី២៣ ខែមករា ឆ្នា២០២១ ដោយឃាត់ខ្លួនបានជនសង្ស័យម្នាក់ រួមជាមួយថ្នាំញៀនចំនួន៥៣កញ្ចប់តូច។ លោកវរសេនីយ៍ទោ ស៊ុំ ធនរតនា អធិការរងខណ្ឌសែនសុខ បានអង្គភាពសាសារព័ត៌មា MT Today ថាជនសង្ស័យ មាន ឈ្មោះ សេក ណារ៉ូ ភេទប្រុស អាយុ២៨ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ភូមិបូរីកម្មករ សង្កាត់ទឹកថ្លា ខណ្ឌសែនសុខ ។
លោកវរសេនីយ៍ទោ ស៊ុំ ធនរតនា អធិការរងខណ្ឌសែនសុខ បានបន្តថា ការឃាត់ខ្លួនជនសង្ស័យខាងលើគឺកម្លាំងជំនាញបានស្រាវជ្រាវរហូតឈានដល់ការបង្ក្រាបនឹង ចាប់យកវត្ថុតាងមានក្រាមសថ្លា ៥៣កូនថង់តូច និងទូរសព្ទ័ដៃ ១គ្រឿង។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕ ដោយ ១៩
