កម្លាំងកងរាជអាវុធហត្ថខេត្តតាកែវ បន្តបង្ក្រាបករណីគ្រឿងញៀន ដូចភ្លៀងរលឹម

ខេត្តតាកែវ៖ នៅថ្ងៃទី២៨ ខែមីនា ឆ្នាំ២០២១ ស្ដីពីករណីបង្ក្រាបបទល្មើសគ្រឿងញៀន ដោយបានការចង្អុលបង្ហាញរបស់ជនសង្ស័យឈ្មោះ ហេង ច្រឹប ភេទស្រី (ដែលបានឃាត់ខ្លួនកាលពីថ្ងៃទី២៤ ខែមីនាឆ្នាំ២០២១) ខាងលើនេះកម្លាំងកងរាជអាវុហត្ថខេត្តតាកែវ បានសុំពន្លាតដែនសមត្ថកិច្ចមករាជធានីភ្នំពេញ ដោយសហការជាមួយកម្លាំងកងរាជអាវុធហត្ថលើផ្ទៃប្រទេស ដឹកនាំដោយលោក ឧត្តមសេនីយត្រី អ៊ុង ដេប៊ូ ស្នងការរងស្រាវជ្រាវបង្រ្កាបបទល្មើសអ.ហ.ផ.ទ ។

លោកឧត្តមសេនីយត្រី លី សាត់សាយ មេបញ្ជាការរងអាវុធហត្ថ រាជធានីភ្នំពេញលោក វ.ឯក ង៉េត ចាន់ធី មេបញ្ជាការរង អ.ហ ខេត្តតាកែវ លោក អនុ.ទោ ហួត វឿន នាយការិយាល័យប្រឆាំងគ្រឿងញៀន អ.ហ តាកែវ លោកវ.ទោ អ៊ួង វីរៈរ័ត្នមន្នី នាយការិយាល័យប្រឆាំងគ្រឿងញៀនអាវុធហត្ថ ផ្ទៃប្រទេសលោកវ.ទោ ប៉ាន់ សុភាព នាយការិយាល័យប្រឆាំងគ្រឿងញៀន អ.ហ រាជធានីភ្នំពេញកម្លាំង អ.ហ ខណ្ឌទួលគោក ។ ដោយមានការសម្របសម្រួលពី ឯកឧត្ដម ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវ និងលោក ប្លង់ សុផល ព្រះរាជអាជ្ញារងអម សាលាដំដូងរាជធានីភ្នំពេញ អមដោយលោក គឹម ឆេងប៊ុន ជាក្រលាបញ្ជី ១រូប។

នៅវេលាម៉ោង១៦និង១៥នាទី ថ្ងៃទី២៦ ខែមីនា ឆ្នាំ២០២១ កម្លាំងចម្រុះបានឃាត់ខ្លួនជនសង្ស័យចំនួន ២នាក់ ស្រីចំនួន ១នាក់ ប្រុសចំនួន ១នាក់ ៖

១-ឈ្មោះ ឡុង សាវុធ ភេទប្រុស អាយុ៣៤ឆ្នាំ (ឃាត់នៅចំនុចលើផ្លូវលេខ១៨២ សង្កាត់ផ្សារដេប៉ូ១ ខណ្ឌទួលគោក រាជធានីភ្នំពេញ។

២-ឈ្មោះ ឡុង សុខណា ភេទស្រី អាយុ៣១ឆ្នាំ (ឃាត់នៅចំនុចផ្លូវ១៦៦ ក្បែរផ្សារអូឫស្សី សង្កាត់អូរឫស្សីទី១ ខណ្ឌ៧មករា រាជធានីភ្នំពេញ។

បន្ទាប់មកកម្លាំងជំនាញចម្រុះបាននាំជនសង្ស័យទាំងពីរនាក់ខាងលើទៅឆែកឆេរផ្ទះលេខ១៤៨ ផ្លូវ១២២ ភូមិ១១ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ វេលាម៉ោង១៦:៣០នាទី នាថ្ងៃខែឆ្នាំដដែល។

វត្ថុតាងដកហូតរួមមាន ថ្នាំគ្រាប់ពណ៍បៃតងខ្ចី (សង្ស័យជាសារធាតុញៀនចំនួន ១៥គ្រាប់) ក្រាមពណ៌សថ្លាចំនួន ៥កញ្ចប់ សង្ស័យជាគ្រឿងញៀន) ម៉ូតូ ២គ្រឿង។ ម៉ាក zoomer ពណ៌ ស.ឈាមជ្រូក ស្លាក​លេ​ខ 1GZ-5008 និងម៉ាក PCX ពណ៌ ស.ផ្កាឈូក ស្លាកលេខ 1CM-1222 រថយន្ត ១គ្រឿង (ម៉ាកBMW ពណ៌ស ស្លាកលេខ ខ.ភ.ម 02-4750) ព្រមទាំងឧបករណ៍ប្រើប្រាស់ និងថង់សម្រាប់វេចខ្ចប់ គ្រឿងញៀន មួយចំនួន។

បច្ចុប្បន្នជនសង្ស័យកម្លាំងជំនាញកសាងសំណុំរឿងបញ្ជូនទៅអមសាលាដំបូងខេត្តតាកែវចាត់ការតាមនីតិវិធីច្បាប់ ៕