ប្រជាពលរដ្ឋមួយគ្រួសារ ស្ថិតនៅឃុំអន្លង់រុន លោកអភិបាលរងខេត្ត បញ្ជាឱ្យសមត្ថកិច្ចបើករបងចេញចូលវិញហើយ
ខេត្តបាត់ដំបង៖ បន្ទាប់ពីទទួលបាននូវព័ត៌មានករណីម្ចាស់ផ្ទះមួយកន្លែងធ្វើរបងព័ទ្ធ លើដីបិទជិតមិនឱ្យប្រជាពលរដ្ឋមួយគ្រួសារ ស្ថិតនៅក្រុមទី៤ ភូមិសូភី ឃុំអន្លង់រុន ស្រុកថ្មគោល ខេត្តបាត់ដំបង ចេញចូលបានរួចមកថ្មីនេះ លោក សឿម ប៊ុនរិទ្ធ អភិបាលរងខេត្ត តំណាងលោក ងួន រតនៈ អភិបាលខេត្តបានដឹកនាំក្រុម ចម្រុះចុះទៅដល់ចំណុចមានទំនាស់នោះ និងដោះស្រាយទំនាស់ដោយទទួលបានលទ្ធផលឈ្នះៗទាំងសងខាង។
លោកអភិបាលរងខេត្ត បញ្ជាឱ្យសមត្ថកិច្ចបើករបងចេញពីមុខផ្ទះដើម្បីឱ្យម្ចាស់ផ្ទះដែល នៅក្នុងនោះ ចេញ-ចូលដោយស្រួលចាប់ពីពេល នេះតទៅ ចំពោះបញ្ហាទំនាស់ត្រូវរង់ចាំការដោះស្រាយតាមនីតិវិធី និងតាមដំណាក់កាលជាក់ស្តែង៕
