កំលាំងសុីម៉ាក់ប្រតិបតិ្តការបេីកផ្លូវ និងត្រួតពិនិត្យសុវត្ថិភាពចំនុចគ្រោះថ្នាក់ ក្នុងករណីមានផ្ទុះគ្រាប់មីនតោនស្លាប់ប្រជាពលរដ្ឋនៅសំឡូត
កំលាំងសុីម៉ាក់ប្រតិបតិ្តការបេីកផ្លូវ និងត្រួតពិនិត្យសុវត្ថិភាពចំនុចគ្រោះថ្នាក់ ក្នុងករណីមានផ្ទុះគ្រាប់មីនតោនស្លាប់ប្រជាពលរដ្ឋម្នាក់ និងរបួសធ្ងន់ម្នាក់ នៅភូមិចំការចេក ឃុំស៊ុង ស្រុកសំឡូតនោះកាលល្ងាចមិញនិងព្រឹកថ្ងៃទី២៨ ខែឧសភា ឆ្នាំ២០២១កន្លងមកនេះ និងបានរកឃេីញគ្រាប់មីនតោននៅក្បែរៗ ជាប់នឹងកន្លែងផ្ទុះនោះចំនួន ២គ្រាប់ និងគ្រាប់មីនប្រឆាំងមនុស្សចំនួន ៨គ្រាប់ទៀត ហេីយគ្រាប់មីនតោនទាំង ២គ្រាប់ សុទ្ធតែដាក់គ្រាប់មីនប្រឆាំងមនុស្សបង្កៃពីខាងលេីដេីម្បីងាយបង្កផ្ទុះ ដែលនេះជាបច្ចេកទេសយកគ្រាប់មីនតោនបន្ទុះសម្លាប់មនុស្សដេីរជាន់តែម្តង។ គ្រាប់មីនទាំងអស់នេះជាសំណល់ពីសង្គ្រាម។
អ្វីជាសំណាងល្អដែរនោះគឺបងប្អូនប្រជាពលរដ្ឋចូលទៅជួយសង្គ្រោះជនរងគ្រោះ ប្រថុយនឹងគ្រោះថ្នាក់ណាស់ ហេីយនេះជាយុទ្ធសាស្ត្រដាក់មីនហ៊ុំពន្ធ័ដេីម្បីសម្លាប់ និងបង្កឲ្យរបួសមនុស្សច្រេីននាក់ បេីឃេីញអ្នកណាម្នាក់ផ្ទុះគ្រោះថ្នាក់ហេីយ ហេីយមានអ្នកណាហ៊ានចូលទៅជួយនោះ នឹងរងគ្រោះថ្នាក់បន្តទៀត។ នេះហេីយសង្គ្រាមគឺ គឺមនុស្សតែងតែរកគ្រប់មធ្យោបាយ និងបច្ចេកទេសដេីម្បីបង្កឧបសគ្គ និងសម្លាប់សត្រូវឱ្យអស់លទ្ធភាព!
ពិតជាសោកស្តាយចំពោះទឹកដីសំឡូតដ៍ស្រស់ស្អាត និងដីសំបូរជីជាតិណាស់ តែអកុសលនឹងគ្រាប់មីនច្រេីនហួសប្រមាណ! ។ ប្រភព ឯ.ហេង រតនា
