សម្ដេចចៅហ្វាវាំង គង់ សំអុល អញ្ជើញនាំយកព្រះរាជអំណោយដ៍ថ្លៃថ្លា ចែកជូនដល់មន្រ្តី-បុគ្គលិក មជ្ឈមណ្ឌលស៊ីម៉ាក់

ភ្នំពេញ៖ ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សព្វព្រះរាជហឫទ័យ ប្រោសព្រះរាជទានព្រះរាជអំណោយដ៍ថ្លៃថ្លា តាមរយៈសម្ដេចចៅហ្វាវាំងវរ​វៀង​ជ័យអធិបតីស្រឹង្គារ គង់ សំអុល ឧបនាយកនាយករដ្ឋមន្ត្រី និងជារដ្ឋមន្ដ្រីក្រសួងព្រះបរមរាជវាំង ដើម្បី​ចែកជូនដល់មន្រ្តី-បុគ្គលិកសរុបចំនួន ១ ៧៧៣នាក់ ដែលកំពុងបម្រើការនៅមជ្ឈមណ្ឌលសកម្មភាពកំចាត់​មីនកម្ពុជា (CMAC) នៅទូទាំងប្រទេស ដោយមានការអមដំណើរពីឯកឧត្តម គុយ សុផល ឧត្តមប្រឹក្សា​ផ្ទាល់ព្រះមហាក្សត្រ និងជាទេសរដ្ឋមន្ត្រីទទួលបន្ទុកកិច្ចការទូទៅអមក្រសួងព្រះបរមរាជវាំង នៅភូមិទ្រុងមាន់ សង្កាត់អូរបែកក្អម ខណ្ឌសែនសុខ រាជធានីភ្នំពេញ នាព្រឹកថ្ងៃទី២៣ ខែមិថុនា ឆ្នាំ២០២១។ by AKP