លោក ​ជិន ប៊ុនធឿន នាយកប្រតិបត្តិសាខា អញ្ជើញជាអធិបតីភាពបើកវគ្គអប់រំផ្សព្វផ្សាយស្តីពីសុវត្ថិភាពចរាចរណ៍​ ពិការភាព និងជំងឺកូវីដ១៩

មានមតិនាឱកាសបេីកវគ្គនោះ លោក​ជិន ប៊ុនធឿន បានពាំនាំនូវការផ្តាំផ្ញើសាកសួរសុខទុក្ខ និងសេចក្តីនឹករលឹកពី ឯកឧត្តម ឃួង ស្រេង ប្រធានគណៈកម្មាធិការសាខាកាកបាទក្រហមកម្ពុជា​ រាជធានីភ្នំពេញ​ ជាពិសេសពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនដល់អស់លោក​ លោកស្រី​ទីប្រឹក្សាយុវជន​ និងក្មួយៗយុវជនកាកបាទក្រហមទាំងអស់​ ព្រមទាំងបានលេីកឡេីង​ពីគោលបំណងនៃការបេីកវគ្គនេះគឺ​ ដេីម្បីពង្រឹងនូវសមត្ថភាព​ បង្កេីនចំណេះដឹងបន្ថែមទៀតឲ្យកាន់តែយល់ច្បាស់សម្រាប់ជាមូលដ្ឋានដល់យុវជនកាកបាទក្រហមយេីងទៅលេីការងារសុវត្ថិភាពចរាចរណ៍​ ដោយរួមបញ្ចូលពិការភាព​ ជាពិសេសក្នុងបរិបទជំងឺកូវីដ១៩​ ។

លោកនាយកក៏បានចែករំលែកនូវបទពិសោធន៍​ និងបានផ្តល់នូវគោលគំនិតសំខាន់ៗមួយចំនួនសម្រាប់ជាទុន​ ក្នុងការដែលយុវជនរបស់យេីងសម្រាប់យកទៅអនុវត្តដេីម្បីក្លាយជាយុវជនគំរូឈានមុខ​ និងជាទំពាំងស្នងឬស្សីរបស់ប្រទេសជាតិយេីងទៅអនាគត​ ។​

មុននឹងប្រកាសបេីកវគ្គ​នេះដែរ លោកនាយកប្រតិបត្តិសាខា សង្ឃឹមយ៉ាងមុតមាំថា ក្មួយៗយុវជនទាំងអស់នឹងខិតខំត្រង់ត្រាប់ស្តាប់គ្រូឧទ្ទេសនាមពន្យល់បង្ហាត់បង្ហាញដោយចិត្តទុកដាក់ ដើម្បីទទួលបានចំណេះដឹងដ៏មានសារៈប្រយោជន៍នេះ ក្នុងការក្លាយខ្លួនជាយុវជនដែលមានសមត្ថភាព​ និងជាជនបង្គោលសម្រាប់យកទៅអនុវត្ត​ ក៏ដូចជាផ្សព្វផ្សាយបន្ត​ នៅក្នុងសាលារៀន​របស់ខ្លួន​ ៕ អរគុណសន្តិភាព