គ្រួសាររងគ្រោះដោយអគ្គីភ័យឆេះលំនៅស្ថានបានទទួលអំណោយមនុស្សធម៌ ពីអនុសាខាកាកបាទក្រហមកម្ពុជា ក្រុងសៀមរាប
ខេត្តសៀមរាប៖ គណៈម្មាធិការអនុសាខាកាកបាទក្រហមកម្ពុជា ក្រុងសៀមរាប នៅថ្ងៃទី០២ ខែវិច្ឆិកា ឆ្នាំ២០២១ បានចាត់លោកស្រី ហួន ខេង សមាជិកាគណ:កម្មាធិការអនុសាខា ជួបសំណេះសំណាលសួរសុខទុក្ខ និងនាំយកអំណោយមនុស្សធម៌ជូនដល់គ្រួសារឈ្មោះ ញឹម អ៊ឹប ភេទស្រី អាយុ៦៥ឆ្នាំ រស់នៅភូមិគ្រួស សង្កាត់ស្វាយដង្គំ ដែលរងគ្រោះដោយអគ្គីភ័យភីឆេះលំនៅស្ថាន កាលពីថ្ងៃទី០១ ខែវិច្ឆិកា ឆ្នាំ២០២១ ។
មានប្រសាសន៍នាឱកាសនោះ លោកស្រី ហួន ខេង ក៏បានពាំនាំនូវការផ្តាំផ្ញើនិងចូលរួមសោកស្ដាយ ពីសំណាក់ ឯកឧត្តម ទៀ សីហា ប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប និង លោក នួន ពុទ្ធារ៉ា ប្រធានគណ:កម្មាធិការអនុសាខាកាកបាទក្រហមកម្ពុជា ក្រុងសៀមរាប ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូបដោយមិនប្រកាន់វណ្ណៈ ពណ៌សប្បុរ ជំនឿសាសនា ឫនិន្នាការនយោបាយណាមួយឡើយ។ ដូចដែលលើកឡើងថា “កាកបាទក្រហមកម្ពុជា មានគ្រប់ទីកន្លែង សម្រាប់គ្រប់ៗគ្នា ដោយមិនទុកនរណាម្នាក់ចោល”។ លោកស្រីក៏មានប្រសាសន៍បញ្ជាក់បន្ថែមថា សូមឱ្យបងប្អូនពូមីងប្រយ័ត្នប្រយែងមើលខ្សែភ្លើងដែលចាស់ៗប្រើយូរឆ្នាំ និងត្រូវឱ្យខាងជំនាញអគ្គីសនី មកផ្លាស់ប្តូរចេញដើម្បីជៀសផុតពីគ្រោះមហន្តរាយអគ្គីភ័យ ឬដោយយថាហេតុណាមួយ។ សូមបងប្អូនពូមីងថែរក្សាសុខភាព រស់នៅដោយមានអនាម័យតាមការណែនាំរបស់ ក្រសួងសុខាភិបាល ៣កុំ ៣ការពារ កុំឱ្យឆ្លងជំងឺផ្សេងៗមានមេរោគកូវីត-១៩ ជាដើម។
អំណោយមនុស្សធម៌បានផ្ដល់ជូនមាន៖ តង់១ មុង១ ភួយ១ ក្រមា១ កន្ទេល១ ចានស្រាក់១ កំសៀវដាំទឹក១ ធុងទឹកជ័រធំ១ ធុងទឹកកក១ ចង្ក្រានហ្គាស១ ចាន៥ ស្លាបព្រា៥ ខ្នើយ២ ឆ្នាំង១ កន្ថោ១ បំពង់ទឹកក្តៅ១ ខ្ទះ១ វែកឆា១ វែកសម្ល១ ប្រដាប់គ្របម្ហូបជ័រ១ កញ្ច្រែងជ័រ១ កាថុនជ័រ១ ផ្ទិល១ ចានដែកធំ១ ជ្រុញ១ អង្ករ ៥០គីឡូក្រាម មី ១កេស ត្រីខ ១យួរ ទឹកត្រី ១យួរ ទឹកស៊ីអ៊ីវ ១យួរ ទឹកបរិសុទ្ធ ២យួរ ថវិកា ២សែនរៀល៕ អរគុណសន្តិភាព