យុវជនប្រុសស្រីចំនួន៤នាក់រងការចាប់វ៉ៃខ្នោះពីកម្លាំងនគរបាលស្រុកពញាឮសង្សយ័ករណីជួញដូរនិងប្រើប្រាស់ដោយខុសច្បាប់ នូវសារធាតុញៀន

ខេត្តកណ្តាល៖  ហេតុការណ៍កើតឡើងនៅថ្ងៃព្រហស្បតិ៍ ៦រោច ខែកត្ដឹក ឆ្នាំឆ្លូវ ត្រីស័ក ព.ស ២៥៦៥ ត្រូវនិងថ្ងៃទី២៥ ខែវិច្ឆិកា គ.ស ២០២១ វេលាម៉ោង១២និង៣០នាទី នៅចំណុចព្រៃស្រះទឹក ក្នុងភូមិត្រពាំងពុទ្រ្ទា ឃុំទំនប់ធំ ស្រុកពញាឮ ខេត្តកណ្តាល។

សមត្ថកិច្ចឃាត់ខ្លួនជនសង្ស័យមានចំនួន ៤នាក់ស្រី ម្នាក់ ១.ឈ្មោះ តូ វី (ហៅអាឆ្អឹង) ភេទប្រុស អាយុ២៤ឆ្នាំ ជនជាតិខ្មែរ មានទីលំនៅភូមិត្រពាំងរកា ឃុំភ្នំបាត ស្រុកពញាឮ ខេត្តកណ្តាល (ជួញដូរ)មានសារធាតុញៀនក្នុងទឹកនោម (+ )។

២.ឈ្មោះ ជួន សុខលីន (ហៅផា) ភេទប្រុស អាយុ២៧ឆ្នាំ ជនជាតិខ្មែរ មានទីលំនៅភូមិអូរស្លាត ឃុំភ្នំបាត ស្រុកពញាឮ ខេត្តកណ្តាល មានសារធាតុញៀន​ក្នុងទឹកនោមហើយធ្លាប់ជាប់ពន្ធនាគារខេត្តកណ្តាល ១ឆ្នាំ៦ខែ ក្នុងឆ្នាំ២០១៨ ពីបទរក្សារទុកដោយខុសច្បាប់នូវសារធាតុញៀន។

៣.ឈ្មោះ តឺម ផល្លា ភេទប្រុស អាយុ១៦ឆ្នាំ ជនជាតិខ្មែរ មានទីលំនៅ ភូមិក្បាលស្ពាន ឃុំភ្នំបាត ស្រុកពញាឮ ខេត្តកណ្តាល (ជួញដូរ)មានសារធាតុញៀនក្នុងទឹកនោម ( + ) ។ ៤.ឈ្មោះឡៃ ចិន្តា(ហៅដា) ភេទស្រី អាយុ២៣ឆ្នាំ ជនជាតិខ្មែរ មានទីលំនៅ ភូមិជ័យឧត្តម ឃុំផ្សារដែក ស្រុកពញាឮ ខេត្តកណ្តាល (ប្រើប្រាស់)មានសារធាតុញៀនក្នុងទឹកនោម(+)។
លទ្ធផលយកសំណាក រកវីរុសកូវីដ១៩ របស់ជនសង្ស័យទាំង ៤នាក់គឺអវិជ្ជមា( – ) ។
វត្ថុតាងចាប់យកសារធាតុញៀនមេតំហ្វេតាមីន(ice)ចំនួន១១កញ្ចប់-តូច១០កញ្ចប់ ទម្ងន់ ៥,៤៤ក្រាមនឹងទូរសព្ទ័ដៃចំនួន ៤គ្រឿង (ម៉ាក់oppo ២គ្រឿង អាយហ្វូនសិច ១គ្រឿង រ៉េមី ១គ្រឿង ម៉ូតូ ២គ្រឿងម៉ាកសង់កូរ៉េចាស់ ១គ្រឿង គ្មានស្លាកលេខ និងម៉ាកហុងដា NEX ព៌ណទឹកប្រាក់ មានផ្លាកលេខ ភ្នំពេញ 2FA-3069 ) ដាវដែក១ដើម នឹងសម្ភារៈច្រក វេចខ្ចប់សារធាតុញៀនមួយចំនួន។
សូមជំរាបថា បើយោងតាមសមត្ថកិច្ចឲ្យដឹងនៅថ្ងៃកើតហេតុខាងលើ ដោយទទួលបានសេចក្តីរាយការណ៍ពីប្រជាពលរដ្ឋល្អ កម្លាំងផ្នែកជំនាញនៅចំណុចកើតហេតុខាងលើ បានរកឃើញមុខសញ្ញាមួយក្រុមកំពង់ធ្វើ​សកម្មភាពជួញដូរ និងប្រើប្រាស់ថ្នាំញៀន ហើយខណៈពេលនោះកម្លាំងផ្នែកជំនាញក៍បានចុះសហការណ៏ជាមួយកម្លាំងប៉ុស្តិ៍ រដ្ឋបាលទំនប់ធំ ចេញល្បាតនឹងឃ្លាំមើលជំវិញកន្លែងកើតហេតុ ក៍បានឃើញជនសង្ស័យ​មួយក្រុមដោយ មានសភាពសង្ស័យក៏បានចូលបង្ក្រាបឃាត់ខ្លួននិងចាប់យកវត្ថុតាងបានដូចខាង​លើ បញ្ជូនកមអធិការដ្ឋានដើម្បីសាកសួរ ។
សូមបញ្ជាក់នៅចំពោះមុខសមត្ថកិច្ចជនសង្ស័យបានសារភាពថា ថ្នាំញៀននៅនេះពិតជារបស់ខ្លួនមែន ដែលខ្លួនបានទិញពីជនជាតិវៀតណាម មិនស្គាល់ឈ្មោះ នៅស្វាយប៉ាក យកមកលក់បន្តបច្ចុប្បន្នជន​សង្ស័យទាំង ៤នាក់ សមត្ថកិច្ចបានឃាត់ខ្លួននៅអធិការដ្ឋាននគរបាលស្រុកពញាឮ ដើម្បីចាត់ការតាមនីតិវិធី ៕