រាជរដ្ឋាភិបាលកម្ពុជា បានសម្រេចផ្ទេរភារកិច្ច មន្ត្រីរាជការ ចំនួនពីររូប ពីអភិបាលនៃគណៈអភិបាលស្រុក ឲ្យទៅបម្រើការងារនៅរដ្ឋបាលខេត្តកំពង់ឆ្នាំង និងសម្រេចតែងតាំង មន្ត្រីរាជការ ចំនួន បីរូប ឲ្យកាន់មុខតំណែងជាអភិបាលនៃគណៈអភិបាលស្រុក ចំនួន៣ នៅក្នុងខេត្ត
ខេត្តកំពង់ឆ្នាំង៖ យោងតាមអនុក្រឹត្យ របស់រាជរដ្ឋាភិបាល លេខ ៥៧៩ អនក្រ.តត ចុះថ្ងៃទី២២ ខែធ្នូ ឆ្នាំ២០២១ ស្ដីពីការផ្ទេរភារកិច្ច និងតែងតាំងមន្ត្រីរាជការ ផ្ទេរភារកិច្ចមន្ត្រីរាជការ ចំនួន ពីរ រូប នៅក្នុងខេត្តកំពង់ឆ្នាំងនោះគឺ ៖
១-លោក យឹម សារិន ឋានន្តរស័ក្តិ វរមន្ត្រី ថ្នាក់លេខ៤ ត្រូវបានផ្ទេរពីអភិបាល នៃគណៈអភិបាល ស្រុកបរិបូណ៌ ។
២-លោក ហៃ មនោរម្យ ឋានន្តរស័ក្តិ វរមន្ត្រី ថ្នាក់លេខ៥ ត្រូវបានផ្ទេរពីអភិបាល នៃគណៈអភិបាល ស្រុកជលគីរី ឲ្យទៅបម្រើការងារ នៅរដ្ឋបាល ខេត្តកំពង់ឆ្នាំង។
យោងតាមអនុក្រឹត្យនេះដែរ រាជរដ្ឋាភិបាល បានសម្រេចតែងតាំង មន្ត្រីរាជការ ចំនួន បីរូប ឲ្យកាន់មុខតំណែង ជាអភិបាល នៃគណៈអភិបាលស្រុក នៅក្នុងខេត្តកំពង់ឆ្នាំង មានដូចជា ៖
១-លោក ចេង ចាន់ដូណា ឋានន្តរស័ក្តិមន្ត្រី ថ្នាក់លេខ៣ ឲ្យកាន់មុខតំណែង ជាអភិបាល នៃគណៈអភិបាល ស្រុកបរិបូណ៌ ។
២-លោក យ៉ែម លក្ខិណា ឋានន្តរស័ក្តិមន្ត្រី ថ្នាក់លេខ២ ឲ្យកាន់មុខតំណែង ជាអភិបាល នៃគណៈអភិបាល ស្រុកកំពង់លែង ។
៣-លោក ដូវ គឹមស៊ីន ឋានន្តរស័ក្តិមន្ត្រី ថ្នាក់លេខ២ ឲ្យកាន់មុខតំណែង ជាអភិបាល នៃគណៈអភិបាល ស្រុកជលគីរី ៕
