រដ្ឋបាលខេត្តបន្ទាយមានជ័យនិងអន្តរក្រសួងកំពុងធ្វើយុទ្ធនាការលើកទី៣ ក្នុងការដាំកូនឈើនៅព្រៃលិចទឹកតំបន់៣ ចេញផ្សាយ ថ្ងៃទី 7 ខែ មករា ឆ្នាំ 2022 ខេត្តបន្ទាយមានជ័យ៖ នៅព្រឹកថ្ងៃទី ០៥ មករា ២០២២ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ អញ្ជើញចុះដឹកនាំយុទ្ធនាការដាំដើមឈើឡើងវិញ នៅតំបន់៣ផ្ទៃដីជាប់បឹងទន្លេសាប(ជាលើកទី៣ ) នៅចំណុចរហាលសំណាបខាងលិចឈាងខាងជើង បឹងដង្កៀបក្តាមឃុំប្រាសាទស្រុកព្រះនេត្រព្រះនៅព្រឹកដល់រសៀលថ្ងៃទី០៥ខែមករាឆ្នាំ២០២២ ។ គួរបញ្ជាក់ផងដែរថា៖លោក អ៊ុំ រាត្រី អភិបាលខេត្តបន្ទាយមានជ័យ ឯកឧត្តម ខេង ស៊ុម ប្រធានក្រុមប្រឹក្សាខេត្ត និង ឯកឧត្តម លាង មុនីរិទ្ធិ រដ្ឋលេខាធិការក្រសួងរៀបចំដែនដី នគរូបនីយកម្ម និង សំណង់ បានអញ្ជើញ ដឹកនាំកម្លាំង ប្រធានមន្ទីរ អង្គភាព មេបញ្ជាការកងកម្លាំងប្រដាប់អាវុធ ស្នងការនគរបាល ស្នងការរង មន្ត្រីរាជការខេត្ត ក្រុង/ស្រុក យុវជន កាលពីថ្ងៃទី១៨ខែធ្នូឆ្នាំ យុទ្ធនារការលើកទី១ ខេត្តនិងអន្តរក្រសួងបានដឹកនាំមន្ត្រូីរាជការស៊ីវិល កងកម្លាំង យុវជនសហភាពសហព័ន្ធយុវជនកម្ពុជា(សសយក) ទៅដាំកូនឈើចម្រុះ(ដើមឬស្សី រាំងទឹកត្នោត) ចំនួន ៤.១៦០ដើម/គ្រាប់នៅតាមព្រំប្រទល់ដីព្រៃលិចទឹក តំបន់៣ បឹងទន្លេសាប ចំណុចគោកខ្សាច់ ភូមិបត់ត្រង់ឃុំប្រាសាទស្រុកព្រះនេត្រព្រះខេត្តបន្ទាយមានជ័យ ។ និងកាលពីថ្ងៃទី២៨ខែធ្នូឆ្នាំ២០២១ យុទ្ធនាការការដាំកូនឈើជាលើកទី២ នៅចំណុច រហាល សំណាប បង្គោល 365 ចំណុច កូនគោក បង្គោល 364 និង ចំណុច ខាងលិចឈាងខាងជើង កូនគោក បង្គោល 363 រួមមាន : ១.ដើមរាំងទឹកចំនួន ១៥៨០ ដើម ២.ដើមឬស្សី ១៤៥០ដើម ៣.ដើមរំដេញ ៧០០ ដើម ៤.គ្រាប់ត្នោត ចំនួន ៧៦០ គ្រាប់៕ ចែករំលែក