ថ្នាំញៀនសថ្លា ៣ ដុំ ត្រូវជនសង្ស័យ ប្រុស ស្រី២នាក់ ត្រូវជំនាញប្រឆាំងគ្រឿងញៀននិងនគរបាលក្រុងប៉ោយប៉ែតបង្ក្រាប

ខេត្តបន្ទាយមានជ័យ៖ ជនសង្ស័យ ប្រុស ស្រី២នាក់ លួចលក់ថ្នាំញៀនជាទ្រង់ទ្រាយធំ នៅក្រុងប៉ោយប៉ែត ត្រូវកំលាំងជំនាញការិយាល័យ ប្រឆាំងគ្រឿងញៀន សហការជាមួយ កម្លាំងនគរបាលជំនាញនៃអធិការដ្ឋាននគរបាលក្រុងប៉ោយប៉ែត ចុះបង្រ្កាបបាននៅវេលាម៉ោង ១២ ថ្ងៃត្រង់ ថ្ងៃទី១៦ ខែកុម្ភៈ ឆ្នាំ២០២២ នៅបន្ទប់លេខ១០២ ក្នុងសណ្ឋាគារ ផេង ចិន្តា ក្នុងភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។

កំលាំង ជំនាញការិយាល័យ ប្រឆាំងគ្រឿង ញៀនបានប្រាប់ឲ្យដឹងថា៖ ការចុះបង្ក្រាបជនសង្ស័យ ប្រុស ស្រី២នាក់ លួចលក់ថ្នាំញៀនជាទ្រង់ទ្រាយធំ នៅក្រុងប៉ោយប៉ែតនេះបានអនុវត្តតាមបទបញ្ជារបស់ លោកឧត្តមសេនីយ៍ទោ សិទ្ធិ  ឡោះ ស្នងការនគរបាលខេត្តនិងមានការសម្របសម្រួលនិតិវិធីរបស់លោក កើត វណ្ណារ៉េត ព្រះរាជអាជ្ញាអមសាលាដំបូងខេត្ត ។

កំលាំង ជំនាញការិយាល័យ ប្រឆាំងគ្រឿង ញៀនបានចុះសហការជាមួយ កម្លាំងនគរបាលជំនាញនៃអធិការដ្ឋាននគរបាលក្រុងប៉ោយប៉ែតបានចុះដល់បន្ទប់លេខ ១០២ ក្នុងសណ្ឋាគារ ផេង ចិន្តា ធ្វើការឃាត់ខ្លួន ជនសង្ស័យចំនួនប្រុស១នាក់ឈ្មោះ អូន ប៊ុនថេត ភេទប្រុស អាយុ២៣ឆ្នាំ នៅភូមិអណ្តូងថ្មមាស សង្កាត់ផ្សារ កណ្តាល ក្រុងប៉ោយប៉ែត វត្តុតាងដកហូតមាន១/-ម្សៅក្រាមសថ្លា ២ ដុំ ២/ទូរស័ព្ទចំនួន១ គ្រឿង ។ ក្រោយពីការសួនាំជនសង្ស័យឈ្មោះ អូន ប៊ុនថេត កម្លាំងនគរបាលបានបន្តចាប់ឃាត់ខ្លួនជនសង្ស័យបាន១នាក់ទៀត ឈ្មោះធៀន ពុទ្ធី ភេទស្រី អាយុ២៣ឆ្នាំ វត្តុតាងដកហូតមាន១/ម្សៅក្រាមសថ្លា ១ដុំ ២/ទូរស័ព្ទចំនួន ១ គ្រឿង រួមទាំងឧបករណ៍សម្រាប់ជក់និងថង់សម្រាប់វិចខ្ចប់មួយចំនួន និងសៀវភៅឆ្លងដែនចំនួន២ ។ ក្រោយពីឃាត់ខ្លួនហើយជនសង្ស័យទាំង២នាក់ ធ្វើការសួរនាំនៅការិយាល័យប្រឆាំងគ្រឿញៀន ដើម្បីរៀបចំសំណុំរឿងបញ្ជូនទៅសាលាដំបូងខេត្ត ចាត់ការាតមនិតិវិធី ៕