លោកជំទាវកិត្តិសង្គហបណ្ឌិត ម៉ែន សំអន បានអញ្ជើញចូលរួមពិធីក្រុងពាលី ដើម្បីសុំសេចក្តីសុខ សេចក្តីចម្រើន ដើម្បីត្រៀមអបអរសាទរខួបលើកទី៧១ នៃថ្ងៃកំណើតគណបក្សប្រជាជន

ភ្នំពេញ៖ លោកជំទាវកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា បានអញ្ជើញចូលរួមពិធីក្រុងពាលី ដើម្បីសុំសេចក្តីសុខ សេចក្តីចម្រើន ដើម្បីត្រៀមអបអរសាទរខួបលើកទី៧១ នៃថ្ងៃកំណើតគណបក្សប្រជាជន និងដោយមានការអញ្ជើញចូលរួមពីសំណាក់ សមាជិក សមាជិកាអចិន្ត្រៃយ៍ផងដែរ ។ ពិធីនេះត្រូវបានរៀបចំឡើងនៅស្នាក់ការកណ្តាលគណបក្សប្រជាជនកម្ពុជា ស្ថិតនៅតាមបណ្តោយវិថីព្រះនរោត្តម ក្នុងសង្កាត់ទន្លេបាសាក់ ខណ្ឌចំការមន នារសៀលថ្ងៃចន្ទ ១៣រោច ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៧ ខែមិថុនា ឆ្នាំ២០២២ ។

ពិធីខួបកំណើតគណបក្សនេះត្រូវបានប្រារព្ធឡើងជារៀងរាល់ឆ្នាំ ទើបតែខកខានចុងក្រោយ ២ឆ្នាំនេះ​ដោយ​​សារតែការរាត្បាតនៃជំងឺកូវីង១៩ ប៉ុន្តែ ទោះជាខកខានមិនបានប្រារព្ធពិធីយ៉ាងណាក៏ដោយ ក៏ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា បានចេញសារអបអរសាទរថ្ងៃកំណើតបក្សជារៀងរាល់ឆ្នាំផងដែរ។