ទាន់ហេតុការណ៍ ៖ ក្រុមបាតុករមួយក្រុមឈរនៅខាងក្រៅ ដោយសម្តែងការមិនសប្បាយចិត្ត និងមិនស្វាគមន៍ចំពោះដំណើរមកដល់របស់លោកស្រីប្រធានសភាអាម៉េរិក ណាន់ ស៊ីប៉េឡូស៊ី នៅឯកោះតៃវ៉ាន់ ទំាងកណ្តាលរាត្រី
កោះតៃវ៉ាន់៖ ដោយឡែកលើជ្រុងអ្នកមិនស្វាគមន៍ចំពោះដំណើរមកដល់របស់លោកស្រីប្រធានសភាអាម៉េរិក ណាន់ ស៊ីប៉េឡូស៊ី នៅឯកោះតៃវ៉ាន់ ទំាងកណ្តាលរាត្រីវិញម្តង តាមបណ្តាញផ្សព្វផ្សាយបានលើកឡើងថា នៅខាងក្រៅសណ្ឋាគារដែលគេរៀបចំសម្រាប់ការសម្រាកនិងទទួលបដិសណ្ឋារកិច្ចចំពោះលោកស្រីនៅក្នុងទីក្រុងតៃប៉ិនោះ គេសង្កេតឃើញមានក្រុមបាតុករមួយក្រុមឈរនៅខាងក្រៅ ដោយសម្តែងការមិនសប្បាយចិត្ត ព្រោះនំាឱ្យមានអំពល់ទុក្ខដល់ប្រជាជាតិដែនកោះមួយនេះ។ងាកទៅមើលបណ្តាញផ្សព្វផ្សាយរបស់កោះតៃវ៉ាន់វិញម្តងបានលើកឡើងថា ឥឡូវនេះ លោកស្រី ណាន់ស៊ី ប៉េឡូស៊ី ត្រូវធ្វើដំណើរដោយមានការអមកិច្ចការពារសន្តិសុខហ្មត់ចត់បំផុតឆ្ពោះទៅកាន់សណ្ឋាគារមួយដែលមានឈ្មោះថា Grand Hyatt Hotel នៅក្នុងទីក្រុងតៃប៉ិ ហើយលោកស្រីនឹងសម្រាកនៅទីនេះមួយរាត្រី។ បណ្តាញផ្សព្វផ្សាយរបស់កោះតៃវ៉ាន់ដដែលបានលើកឡើងអំពីរបៀបវារៈកម្មវិធីរបស់លោកស្រីយ៉ាងសង្ខេបថា លោកស្រីគ្រោងនឹងជួបជាមួយនឹងប្រធានាធិបតីកោះតៃវ៉ាន់នៅព្រឹកស្អែកនេះ មុនពេលលោកស្រីថ្លែងសុន្ទរកថានៅសភាជាតិតៃវ៉ាន់ ។
លុះពេលរសៀលលោកស្រីនឹងបន្តដំណើរទស្សនកិច្ចនៅឯសារមន្ទីរសិទ្ធិមនុស្សមួយកន្លែងផងដែរ៕ ប្រភព៖ BBC ប្រែសម្រួលសង្ខេប៖ ប្រាក់ សម្ជស្ស
