ទឹកនៅទន្លេស្រែពកហក់ឡើងខ្លាំង បង្កជាទឹកជំនន់នៅស្រុកកោះញែក

ខេត្តមណ្ឌលគិរី៖ អាជ្ញាធរស្រុកកោះញែក នៅខេត្តមណ្ឌលគិរី កំពុងចាត់វិធានការត្រៀមទូក សំរាប់ជួយ​សម្រួលដល់ពលរដ្ឋ ខណៈពេលដែលស្ថានភាពទឹក ជំនន់នៅទន្លេស្រែពក មានការហក់ឡើងខ្លាំងគិតត្រឹមរសៀលថ្ងៃទី០៩ ខែសីហានេះ។

សេចក្តីរាយការណ៍មួយពីស្រុកកោះញែក បានបញ្ជាក់ថា ទឹកបានហូរច្រោះដីក្បាលស្ពានបាឡេ ឆ្លងទៅភូមិជីមៀត ឃុំណងឃីលឹកបណ្តាលឱ្យកកស្ទះការធ្វើដំណើរ។ អាជ្ញាធរស្រុកកោះញែកបានរាយការណ៍មក​ថា កត្តាដែលនាំឱ្យមានទឹកជំនន់ ជន់ហក់ឡើងលឿនបែបនេះ ដោយសារតែទ្វាទឹកនៃវារីអគ្គីសនី នៅឯភាគីប្រទេសវៀតណាមបានបើក បូករួមទាំងមានភ្លៀងធ្លាក់ជាប់ៗគ្នា ទើបបង្កឱ្យមានការជនលេចបែបនេះ។ នៅវេលារសៀលថ្ងៃទី៩ ខែសីហានេះ ទឹកទន្លេស្រែពក មានកម្ពស់ជាង ១០ម៉ែត្រ ដែលជាចំណុចជិតប្រកាសអាសន្នហើយ៕ អរគុណសន្តិភាព