ជនជាតិចិនម្នាក់បើករថយន្តក្នុងល្បឿនលឿនគេចពីម៉ូតូកង់បីមួយគ្រឿង ក៍ជ្រុលចង្កូតទៅបុកម៉ូតូកង់បីមួយគ្រឿងទៀតបណ្តាលឲ្យរេចង្កូតឡើងទៅលើសួនជ្រុលបុកដើមឈើមួយដើមបាក់រាបដួលដល់ដី

ភ្នំពេញ៖ បុរសជនជាតិចិនម្នាក់បើករថយន្ត Range Rover ពាក់ស្លាកលេខ ភ្នំពេញ 2AI-5658 ក្នុងល្បឿនលឿន បានគេចពីម៉ូតូកង់បីមួយគ្រឿង ក៍ជ្រុលចង្កូតទៅបុកម៉ូតូកង់បីមួយគ្រឿងទៀតដែលពាក់ស្លាកលេខ ភ្នំពេញ 1GW-5045 ពីក្រោយពេញទំហឹង បណ្តាលឲ្យរេចង្កូតឡើងទៅលើសួនជ្រុលបុកដើមឈើមួយដើមបាក់ដួលរាបដល់ដី។
ហេតុការណ៍នេះកើតឡើងកាលពីវេលាម៉ោង៨និង៥០នាទីយប់ ថ្ងៃទី២០ ខែសីហា ឆ្នាំ២០២៣ នៅក្នុងបរិវេណបឹងកក់ ចំណុចមុខឡាក់គី តាមបណ្ដោយផ្លូវលេខ១១៣ ស្ថិតក្នុងសង្កាត់ស្រះចក ខណ្ឌដូនពេញនរាជធានីភ្នំពេញ។
ក្រោយកើតហេតុភាគីខាងរថយន្ត ធ្វើការសម្របសម្រួលគ្នាជាមួយភាគីម៉ូតូកង់បីនិងខាងក្រុមហ៊ុនដោយចេញសំណងទៅឲ្យម៉ូតូកង់បីចំនួន ១៧០ដុល្លារ និងសំណងដើមឈើទៅខាងក្រុមហ៊ុនចំនួន ១០០០ដុល្លារដើម្បីបញ្ចប់រឿងនៅកន្លែងកើតហេតុ៕ អរគុណសន្តិភាព