មុខសញ្ញាឆក់សកម្មនិងធ្លាប់ជាប់ពន្ធនាគារ៦ដង ក្នុងចំណោមបក្សពួកចំនួន៣នាក់ ដែលសកម្មក្នុងការឆក់ទូរស័ព្ទដៃ ត្រូវបានកម្លាំងជំនាញ ស្រាវជ្រាវឃាត់ខ្លួន

ភ្នំពេញ៖ ជនសង្ស័យម្នាក់ជាមុខសញ្ញាឆក់សកម្មនិងធ្លាប់ជាប់ពន្ធនាគារ៦ដង ក្នុងចំណោមបក្សពួកចំនួន៣នាក់ ដែលសកម្មក្នុងការឆក់ទូរស័ព្ទដៃបានពីតារាសម្តែងស្រី នៅខណ្ឌបឹងកេងកង ត្រូវបានកម្លាំងជំនាញ ស្រាវជ្រាវឃាត់ខ្លួន ។

ដោយ​អនុវត្ត​តាម​បទបញ្ជាពីឯកឧត្តម​ ឧត្តមសេនីយ៍​ទោ​ ជួន​ ណារិន្ទ​ អគ្គស្នងការរង​ និងជាស្នងការនគរបាលរាជធានីភ្នំពេញ នៅថ្ងៃទី១៨ ខែកញ្ញា ឆ្នាំ២០២៣​ វេលាម៉ោង១៥:៣០នាទី កំម្លាំងជំនាញ​ នៃអធិការដ្ឋាននគរបាលខណ្ឌបឹងកេងកង​ ដឹកនាំដោយលោកវរសេនីយ៍ទោ វុឌ្ឍ ផូសារវ័ន្ត អធិការនគរបាលខណ្ឌបឹងកេងកង បានធ្វើការស្រាវជ្រាវឃាត់ខ្លួនជនសង្ស័យ​ម្នាក់ ក្នុងចំណោមបក្សពួកចំនួន៣នាក់ នៅ​ចំណុចផ្ទះគ្មានលេខ ផ្លូវលំ ភូមិចោមចៅ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ​​។