ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល និងក្រុមការងារក្រសួងសុខាភិបាល បានឆ្លៀតឱកាសចូលក្រាបថ្វាយបង្គំ សម្តេចព្រះព្រហ្មរតនមុនី ពិន សែម សិរីសុវណ្ណោ
ខេត្តសៀមរាប៖ ក្នុងឱកាសចុះពិនិត្យស្ថានភាព និងវឌ្ឍនភាពសុខាភិបាល នៅតាមបណ្តាខេត្តមួយចំនួននៃខេត្តជាប់ព្រំដែន ខេត្តព្រះវិហារ និងខេត្តឧត្តរមានជ័យ ក្នុងការអនុវត្តគោលនយោបាយរបស់រាជរដ្ឋាភិបាល នាថ្ងៃអាទិត្យ ៧រោច ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៥ ខែវិច្ឆិកា ឆ្នាំ២០២៣ វេលាម៉ោង ១០:០០ព្រឹក ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល និងក្រុមការងារក្រសួងសុខាភិបាល បានឆ្លៀតឱកាសចូលក្រាបថ្វាយបង្គំ សម្តេចព្រះព្រហ្មរតនមុនី ពិន.សែម សិរីសុវណ្ណោ នៅវត្តរាជបូណ៌ ខេត្តសៀមរាប ដេីម្បីពាំនាំសេចក្តីសុខសប្បាយ សេចក្តីចម្រើន ជាមួយសុខភាពបរិបូណ៍ ជូនដល់ប្រជាពលរដ្ឋ រួមទាំងមន្រ្តីរាជការក្រោមឱវាទទាំងអស់ ដែលកំពុងបំពេញបេសកកម្មក្នុងការលើកកម្ពស់គុណភាពបម្រើសេវាសុខាភិបាលឱ្យកាន់តែប្រសើរបំផុត៕ អរគុណសន្តិភាសព
