កម្លាំងប៉ុស្តិ៍នគរបាលរដ្ឋបាលភ្នំពេញថ្មី បានចុះធ្វើការអប់រំណែនាំក្រុមផឹកស៊ីចាក់ធុងបាសឮសំឡេងខ្លាំងៗរំខាន

ភ្នំពេញ៖ ក្រោយពីទទួលបានព័ត៌មានពីក្រុមការងារព័ត៌មាននិងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បន្ទាប់ពីប្រជាពលរដ្ឋបានរាយការណ៍ថា គឺនៅខាងក្រោយមន្ទីរពេទ្យ សែនសុខ ផ្លូវ១៩៩០ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ដែលមានការផឹកស៊ីចាក់ធុងបាសឮសំឡេងខ្លាំងៗ រំខានដល់ការរស់នៅអ្នកជិតខាងនិងបងប្អូនប្រជាពលរដ្ឋក្មែរនោះ ធ្វើឲ្យពួកគាត់សម្រាកមិនបានស្ទើររាល់យប់។
នៅវេលាម៉ោង១០​និង៣០នាទីយប់ថ្ងៃទី០២ ខែមេសា ឆ្នាំ២០២៥នេះ កម្លាំងប៉ុស្តិ៍នគរបាលរដ្ឋបាលភ្នំពេញថ្មី បានចុៈដល់ទីតាំងខាងលើ និងបានធ្វើការអប់រំណែនាំដោយហាមមិនឲ្យបង្កសំឡេងរំខានដល់អ្នកជិតខាងនោះឡើយ៕ អរគុណសន្តិភាព