ការិយាល័យភ័ស្តុភារ កងពលតូចដឹកជញ្ជូនលេខ៩០ កងទ័ពជើងគោក ប្រមូលផលដំណាំផ្គត់ផ្គង់ដល់ផ្ទះបាយរបស់អង្គភាព
ខេត្តកំពង់ស្ពឺ ៖ ដោយមានការណែនាំប្រកបដោយភាពច្នៃប្រឌិតពី ឯកឧត្ដម ឧត្ដមសេនីយ៍ទោ ឈរ សុខ នាយសេនាធិការរងកងទ័ពជេីងគោក មេបញ្ជាការកងពលតូចដឹកជញ្ជូនលេខ៩០ គ្រប់បណ្ដាអង្គភាពទាំងអស់ចំណុះឲ្យកងពល ត្រូវមានការយកចិត្តទុកដាក់បង្កើនស្មារតីលេីការងារបង្ករបង្កើនផលក្រៅពីការងារស្នូល ជាក់ស្ដែងនៅថ្ងៃទី១៨ ខែមេសា ឆ្នាំ២០២៥នេះ លោកអនុសេនីយ៍ឯក តន់ លីណា នាយរងការិយាល័យភស្តុភាររបស់កងពល បានកំពុងប្រមូលផលដំណាំដេីម្បីឧបត្ថម្ភបន្ថែមដល់ផ្ទះបាយអង្គភាព។
លោកអនុសេនីយ៍ឯក តន់ លីណា បានដឹកនាំកម្លាំងក្រោមការគ្រប់គ្រងអនុវត្តន៍តាមប្រសាសន៍ដ៏មានតម្លៃរបស់ ឯកឧត្ដមមេបញ្ជាការកងពលបញ្ជាក់ថា ៖ កងកម្លាំងនៃកងយោធពលខេមរភូមិន្ទមួយរូបគឺជាប្រជាជនមួយរូបជាកសិករមួយរូបត្រូវមានភាពឧស្សាហ៍ព្យាយាមនូវការងារដាំដុះដេីម្បីលេីកកម្ពស់ជីវភាពប្រចាំថ្ងៃឲ្យមានភាពល្អប្រសើរ។
ការិយាល័យភ័ស្តុភារបានអនុវត្តន៍តាមប្រសាសន៍ណែនាំរបស់ឯកឧត្ដមមេបញ្ជាការកងពលដោយភាពទទួលខុសត្រូវ ក្នុងតួនាទីនិងភារកិច្ចរបស់កងកម្លាំងនៃកងយោធពលខេមរភូមិន្ទដេីម្បីធានាបន្ថែមដល់ការហូបចុកនៅក្នុងអង្គភាព៕ អរគុណសន្តិភាព
