ស្ថានភាពជនជាតិចិន ដែលមានជំងឺផ្លូវដង្ហើមថ្មីកូរ៉ូណា នៅខេត្តព្រះសីហនុ មានសុខភាពល្អជាធម្មតា

នៅថ្ងៃទី២៩ ខែមករា ឆ្នាំ២០២០ថា ស្ថានភាពជនជាតិចិនដែលមានជំងឺផ្លូវដង្ហើមថ្មីបង្កឡើងដោយវីរុសកូរ៉ូណា សម្រាកព្យាបាល នៅមន្ទីរពេទ្យបង្អែកខេត្តព្រះសីហនុ មានសុខភាពល្អជាធម្មតា ដោយពុំមានបញ្ហាអ្វីគួរឱ្យកត់សម្គាល់ទេ។

ជនជាតិចិនម្នាក់ដែលឆ្លងជំងឺនេះ មានឈ្មោះ ចា ជិនហូរ (Jia Jianhua) ភេទប្រុស អាយុ៦០ឆ្នាំ ធ្វើដំណើរមកពីទីក្រុងវូហាន ខេត្តហ៊ូប៉ី ប្រទេសចិន ជាមួយនិងក្រុមគ្រួសារ ដែលមានគ្នា៣នាក់ទៀត ហើយចេញពីក្រុងវូហាន ប្រទេសចិន មកដល់ខេត្តសៀមរាប ប្រទេសកម្ពុជា កាលពីថ្ងៃទី២៣ ខែមករា ឆ្នាំ២០២០ លុះដល់ថ្ងៃទី២៧ ខែមករា ឆ្នាំ២០២០ ក្រសួងសុខាភិបាលបានរកឃើញថា ជនជាតិចិនម្នាក់នេះ មានផ្ទុកមេរោគកូរ៉ូណាប្រភេទថ្មី ព្រមទាំងបានបញ្ជូនទៅព្យាបាលនៅមន្ទីរពេទ្យបង្អែកខេត្តព្រះសីហនុ ដោយស្នាក់នៅបន្ទប់ដាច់ដោយឡែកពីគេ។

ក្រសួងសុខាភិបាល ក៏បានតាមដានយ៉ាងយកចិត្តទុកដាក់លើសុខភាពរបស់គ្រួសារជនជាតិចិនទាំងនោះ ប៉ុន្តែរហូតមកដល់ពេលនេះពួកគេពុំមានជំងឺរលាកផ្លូវដង្ហើមប្រភេទថ្មីឡើយ។

ជំងឺផ្លូវដង្ហើមប្រភេទថ្មី ត្រូវបានអ្នកជំនាញនិយាយថា វាមានភាពកាចសាហាវ និងចម្លងលឿន នៅក្នុងតំបន់ដែលមានអាកាសធាតុត្រជាក់ តាមរយៈការក្អក និងក្រដាស ដែលលទ្ធភាពក្នុងការសាយភាពត្រឹមរយៈពេល១ម៉ែត្រ ឬមួយម៉ែត្រកន្លះប៉ុណ្ណោះ ឯកឧត្តម ម៉ម ប៊ុមហេង រដ្ឋមន្រ្តីក្រសួងសុខាភិបាល បានបញ្ជាក់យ៉ាងខ្លីថា គាត់មានសុខភាពល្អពុំមានបញ្ហាអ្វីគួរអោយកត់សម្គាល់ ៕