អនាម័យខ្លួនឯងអោយបានខ្ពស់ ហើយត្រូវមានម៉ាស់ (Mask) ទុកប្រើនៅទីកន្លែងណាដែលចាំបាច់និងលាងសម្អាតខ្លួនប្រាណ ដៃជើង អោយបានស្អាតល្អ ជាប្រចាំ

ភ្នំពេញ ៖ សម្តេចតេជោ ហ៊ុន សែន បញ្ជាក់បែបនេះ នាព្រឹកមិញថ្ងៃទី៣០ មករា នេះនៅវិមានសន្តិភាព ក្នុងពេលសម្តេចតេជោអញ្ជើញ ថ្លែងសន្និសីទសារព័ត៌មាន អំពីជំងឺរលាកផ្លូវដង្ហើមថ្មីកូរ៉ូណា (Coronavirus) ។

សម្តេចតេជោ ហ៊ុន សែន ថ្លែងថា ការបិទជើងហោះហើរពីកម្ពុជាទៅចិននោះ គឺជាវិធានការសម្លាប់សេដ្ឋកិច្ចកម្ពុជា និងកាត់បន្ថយទំនាក់ទំនងកម្ពុជា-ចិន សម្តេចតេជោ ហ៊ុន សែន នាយករដ្ឋមន្ត្រី បានជម្រាបជូន បងប្អូនជនរួមជាតិ ទូទាំងប្រទេស អោយបានជ្រាបថា មកទល់ថ្ងៃនេះ គឺពុំមានប្រជាពលរដ្ឋខ្មែរណាម្នាក់ឆ្លងជំងឺផ្លូវដង្ហើមថ្មីកូរ៉ូណា (Coronavirus) នេះទេ ។

ថ្លែងក្នុងសន្និសីទសារព័ត៌មានព្រឹកថ្ងៃទី៣០ ខែមករា ឆ្នាំ២០២០ នៅវិមានសន្តិភាព សម្តេចតេជោ ហ៊ុន សែន បានថ្លែងថា ការភ័យខ្លាចជ្រុលរបស់កម្ពុជាចំពោះជំងឺកូរ៉ូណានេះ បានធ្វើឱ្យមានសំណើពីប្រជាជនដូចជាការបិទជើងហោះហើរពីកម្ពុជាទៅចិន ទាំងអស់នោះគឺប្រៀបដូចជាវិធានការមួយដែលសម្លាប់សេដ្ឋកិច្ចជាតិ និងជាផ្នែកមួយការកាត់បន្ថយទំនាក់ទំនង រវាងកម្ពុជា និងចិន ហើយក៏មិនចាំបាច់នោះទេ ព្រោះថា ចិនបានបិទរួចទៅហើយ ពោលគឺមិនត្រឹមបិទពីជើងហោះហើរពីទីក្រុង វ៉ូហានមកកម្ពុជា ឬទៅកាន់ប្រទេស ដ៏ទៃទេ។

ទន្ទឹមនឹងនេះ សម្តេចតេជោ ក៏បានសូមបងប្អូន យកចិត្តទុកដាក់ ចំពោះអនាម័យខ្លួនឯងអោយបានខ្ពស់ ហើយត្រូវមានម៉ាស់ (Mask) ទុកប្រើនៅទីកន្លែងណា ដែលចាំបាច់ និងលាងសម្អាតខ្លួនប្រាណ ដៃជើង អោយបានស្អាតល្អ ជាប្រចាំ ដើម្បីចៀសវាងការឆ្លងរោគខាងលើ និងរោគផ្សេងៗ ។

សម្តេចតេជោ ហ៊ុន សែន អំពាវនាវ ដល់ប្រជាពលរដ្ឋថា ៖
១ ក៉ំភ័យខ្លាចពេក យើងការពារបាន តាមរយះហូបស្អាត អនាម័យ នេះជាការការពារ គ្រប់ជំងឺ។
២ ត្រូវផ្សព្វផ្សាយព័ត៌មានពិតជូនប្រជាពលរដ្ឋ ប្រឆាំងព័ត៌មានក្លែងក្លាយ។ សម្តេចតេជោ បានណែនាំសូមក្រសួងព័ត៌មានចាត់វិធានការចំពោះអ្នកចែកព័ត៌មានក្លែងក្លាយ ។ ប្រភពដែលយកជាការបាន ផ្តើមចេញពីក្រសួងសុខាភិបាល។
៣ ត្រូវដំណើការនៅស្ថាប័នរដ្ឋ និងឯកជន ត្រូវបន្តដំណើរការដដែល។
៤ សាលារៀនត្រូវយកចិត្តទុកដាក់ រក្សាអនាម័យជាប្រចាំអោយបានល្អបំផុត។ សូមក៉ំភ័យខ្លាច គួរអោយកូនទៅរៀន។
សូមក្រសួងអប់រំ និងក្រសួងសុខាភិបាលសហការគ្នា។
៥ ត្រូវមានម៉ាស់ការពារនៅកន្លែងចាំបាច់ កន្លែងប្រឈមចម្លង។
៦ អ្នកលក់ម៉ាស់មិនត្រូវឆ្លៀតឪកាសតម្លើងថ្លៃ។ ជាមួយគ្នានេះសម្តេចតេជោអំពាវនាវអោយរោងចក្រនៅកម្ពុជាត្រូវដេម៉ាស់អោយបានច្រើនដើម្បីបំពេញតម្រូវការ។ ចំពោះគ្រួសារដែលចេះដេរម៉ាស់ ត្រូវដេរខ្លួនឯង។
៧ ត្រូវដំណើរការផ្នែកសេវាកម្មនៅដដែល ដូចជា សេវាទេសចរណ៍ សេវាដឹកជញ្ជូន ទាំងគោក ទាំងអាកាស ទាំងទឹក និងសេវានានា។ សូមក៉ំយកឪកាសនេះសំលាប់អ្នកបំរើសេវាទេសចរណ៍។
៨ អ្នកកាទូត កុងស៊ុល និងនិស្សិតនៅប្រទេសចិន រួមទាំងខ្មែរនៅវ៉ូហាន ត្រូវតស៊ូជំនៈប្រយុទ្ធជាមួយមេរោគនេះ ដោយរួមសុខ រួមទុក្ខជាមួយគ្នា ៕