សាកលវិទ្យាល័យអន្តរជាតិ បានបង្ហាញពីទឹកលាងដៃ IU HAND SANITIZER ដែលបានផលិតដោយនិស្សិតមហាវិទ្យាល័យឱសថសាស្ត្រ
ភ្នំពេញ៖ ផេកFacebook ផ្លូវការរបស់មហាវិទ្យាល័យឱសថសាស្រ្ត នៃសាកលវិទ្យាល័យអន្តរជាតិ IU បានសរសេរបង្ហោះថា រួមមាន ថ្នាក់ដឹកនាំ សាស្រ្តាចារ្យ បុគ្គលិក និស្សិតយ៉ាងច្រើនកុះករ បានចូលរួមយ៉ាងសកម្មក្នុងការប្រើប្រាស់ផលិតផល ការពារការចម្លងមេរោគ ដែលអាចកើតឡើងជាយថាហេតុនាពេលបច្ចុប្បន្ន។
ផលិតផលទាំងនេះ គឺជាទឹកលាងដៃ IU HAND SANITIZER ដែលបានផលិតឡើងយ៉ាងប្រុងប្រយ័ត្នបំផុត ដោយនិស្សិតមហាវិទ្យាល័យឱសថសាស្រ្ត (IU)នៃសាកលវិទ្យាល័យអន្តរជាតិ ដើម្បីបំពេញតម្រូវការក្នុងការប្រើប្រាស់ និងធ្វើការពិសោធន៍ផ្សេងៗ ដោយឆ្លងកាត់ការធ្វើតេស្តបានបង្ហាញថា មិនមានសារធាតុគិមីផ្សំធ្វើឲ្យប៉ះពាល់ដល់សុខភាពនោះឡើយ។
នាពេលដ៏ខ្លីខាងមុខនេះមហាវិទ្យាល័យឱសថសាស្រ្តនឹងបង្ហាញជូននូវផលិតផល ប្រភេទឱសថថ្មីៗផ្សេងទៀត ដែលនិស្សិតឱសថសាសាស្រ្ត IU កំពុងតែសិក្សាស្រាវជ្រាវយ៉ាងមមារញឹកនាពេលបច្ចុប្បន្ន។
ផលិតផលទាំងនោះ នឹងដាក់តាំងបង្ហាញនៅក្នុងទិវានិស្សិតនាពេលខាងមុខ៕
