Updating ប្រជាការពារម្នាក់ បានប្រើអំពើហិង្សាបង្កឲ្យរងរបួស ត្រូវឃាត់ខ្លួន
ខេត្តបាត់ដំបង៖ នៅព្រឹកថ្ងៃទី៣១ ខែមករា ឆ្នាំ២០២០ ក្រោមបទបញ្ជារបស់ឯកឧត្ដម ឧត្ដមសេនីយ៍ទោ អ៊ុច សុខន ស្នងការនៃស្នងការដ្ឋាននគរបាលខេត្តបាត់ដំបង សមត្ថកិច្ចជំនាញនៃស្នងការដ្ឋាននគរបាលខេត្ដបាត់ដំបង ដែលដឹកនាំដោយលោកឧត្តមសេនីយ៍ត្រី ជេត វណ្ណនី ស្នងការរងផែនការងារព្រហ្មទ័ណ្ឌ បានធ្វើការឃាត់ខ្លួនជនសង្ស័យឈ្មោះ កែវ ព្រឿន ហៅក្រៅ ខ្នួច ភេទប្រុស អាយុ៦០ឆ្នាំ រស់នៅភូមិអ្នកតាទ្វារ ឃុំឫស្សីក្រាំង ស្រុក មោងឫស្សី ខេត្តបាត់ដំបង មានភារកិច្ចជា(ប្រជាការពារឃុំឫស្សីក្រាំង)ដើម្បីធ្វើការស្រាយជ្រាវតាមជំនាញ។
សូមបញ្ជាក់ថាកាលពីថ្ងៃទី២៩ ខែមករា ឆ្នាំ២០២០ មានបុរសវ័យចំណាស់ហើយពិការម្នាក់ឈ្មោះ ហ៊ុន ខុម ភេទប្រុស អាយុ៥៧ឆ្នាំ រស់នៅភូមិឃុំខាងលើត្រូវបានឈ្មោះ កែវ ព្រឿន
ប្រើអំពើហិង្សាបង្កឲ្យរងរបួសយ៉ាងធ្ងន់ធ្ងរ ត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យខេត្តពោធិ៍សាត់ ៕
