“ថ្នាំញៀន ថ្នាំឆ្កួត” ឃាត់ខ្លួននារីខារ៉ាអូខេស្រស់ស្អាតម្នាក់ ឆែករកឃើញសារធាតុញៀន

ភ្នំពេញ៖ កាលពីថ្ងៃទី៤ ខែកុម្ភ: ឆ្នាំ២០២០ ចំណុចផ្លូវបេតុងលេខ៤២ ភូមិខ្ចៅ សង្កាត់បឹងធំ ខណ្ឌកំបូល រាជធានីភ្នំពេញ សមត្ថកិច្ចបានល្បាតក្នុងមូលដ្ឋាន ប្រទះឃើញស្រី្តជាជនសង្ស័យម្នាក់ ជិះម៉ូតូមួយគ្រឿងម៉ាក ZomerX ពណ៌ខ្មៅលាយទឹកក្រូច បិទស្កុតពណ៌បៃតង ។

ដោយមានការសង្ស័យសមត្ថកិច្ចក៏បានឆែកឆេរ ឃើញមានថ្នាំញៀនជាច្រើនកញ្ចប់ រួចការឃាត់ខ្លួន និងបញ្ជូនមកអធិការដ្ឋាននគរបាលខណ្ឌ ដើម្បីកសាងសំណុំរឿងតាមនីតិវិធី។ ជនសង្ស័យឈ្មោះ ភសអ ភេទស្រី អាយុ២៨ឆ្នាំ មុខរបរនារីខារ៉ាអូខេ សា្នក់នៅភូមិកំពង់ទួល ឃុំអន្លង់រមៀត ស្រុកកណ្ដាលស្ទឹង ខេត្តកណ្តាល។ ក្នុងនោះវត្ថុតាងដកហូតរួមមាន -ម៉ូតូ០១គ្រឿងម៉ាក ZomerX ស្លាកលេខ ភ្នំពេញ 1FZ-4798 ពណ៌ខ្មៅលាយទឹកក្រូច បិទស្តុតពណ៌បៃតង-ក្រាមពណ៌សថា្លចំនួន ៥កញ្ចប់ធំល្មម និង០១កញ្ចប់តូច សង្ស័យជាថ្នាំញៀន-ថង់សម្រាប់ច្រកថ្នាំញៀនជាច្រើនថង់-ទូរស័ព្ទចំនួន ៣គ្រឿង(-ម៉ាកសាំសុង ១គ្រឿង-ម៉ាកហូវ៉ែ ១គ្រឿង-ម៉ាកចុចពិល ១គ្រឿង)។
ជនសង្ស័យសមត្ថកិច្ចបានឃាត់ខ្លួននៅអធិការដ្ឋាននគរបាលខណ្ឌកំបូល និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធីច្បាប់។

MTV សង្ឃឹមថា បងប្អូនកូនក្មួយ ចាកចេញឆ្ងាយពីថ្នាំញៀន ជាថ្នាំឆ្កួតនេះ ព្រោះថាថ្នាំនេះ មិនបានជួយអ្វីដល់គ្រួសារ និងសង្គមជាតិនោះទេ គឺវាបានចូលមកបំផ្លាញជីវិត និងសុភមង្គលក្នុងគ្រួសារ វាធ្វើឲ្យ “ឆ្កួត” សូមនិយាយថា ” ទេ ” ចំពោះគ្រឿងញៀន និងជៀសឲ្យឆ្ងាយពីគ្រឿងញៀន សូមកុំសាកល្បងជាមួយ “ថ្នាំឆ្កួត” ៕