” ថ្នាំញៀន ថ្នាំឆ្កួត ” បុរសម្នាក់សុខចិត្តយកម៉ូតូ២០១៩មកប្តូរនឹងការលួចយកកាបូបប្រាក់អ្នកលក់បាយតម្លៃ ៧៣០ ០០០រៀល

ភ្នំពេញ៖ នៅថ្ងៃទី០៩ ខែកុម្ភៈ ឆ្នាំ២០២០ វេលាម៉ោ១៩និង៣០នាទី សមត្ថកិច្ចប៉ុស្តិ៍នគរបាលរដ្ឋបាលឃ្មួញ ឃាត់ខ្លួនជនសង្ស័យម្នាក់ ករណីលួចយកកាបូបប្រាក់ នៅចំណុចផ្ទះលក់ភេជ្ជៈលេខ៤៧ ផ្លូវ៩២ ភូមិបន្លាស្អិត សង្កាត់ឃ្មួញ ខណ្ឌសែនសុខ ។

ជនសង្ស័យឈ្មោះ ចាន់ អេងឡុង ភេទប្រុស អាយុ៣៩ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ផ្លូវបេតុង ភូមិទួលសង្កែ សង្កាត់ទួលសង្កែ ខណ្ឌឫស្សីកែវ (មានសារធាតុញៀន) បានធ្វើអធិការដ្ឋាននគរបាលខណ្ឌសែនសុខរបស់ជនរងគ្រោះ ឈ្មោះ គឹម សាយ ភេទស្រី អាយុ៣៦ឆ្នាំ ជនជាតិខ្មែរ មុខរបរលក់បាយ ស្នាក់នៅផ្ទះលេខ៤៧ ផ្លូវ៩២ ភូមិបន្លាស្អិត សង្កាត់ឃ្មួញ ខណ្ឌសែនសុខ ក្រោយសមត្ថកិច្ចចាប់ ដកហូតបានសម្ភារៈបន្សល់ទុក ដូចជាកាបូបស្ពាយ ១ មានលុយខ្មែរ ៧៣០ ០០០រៀល ប្រគល់ឲ្យេជនរងគ្រោះវិញ ចំណែកម៉ូតូ១គ្រឿង ម៉ាកសេ១២៥ ពណ៌ខ្មៅ ផលិតឆ្នាំ២០១៩ ពាក់ស្លាកលេខ កំពង់ចាម 1U-8425 របស់ជនសង្ស័យរក្សាទុកនៅអធិការដ្ឋាននគរបាលខណ្ឌសែនសុខ ។

បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕