រថយន្តហាយឡិនឌ័រទើបនឹងទិញ បើកល្បឿនលឿនដល់ផ្លូវកោងកាច់ចង្កូតមិនទាន់ ធ្លាក់ផ្លូវ ផ្ទុះឆេះសល់ដែកអេតចាយ

ខេត្តកំពង់ឆ្នាំង៖ ហេតុការណ៍នេះបានកើតឡើងកាលពីវេលាម៉ោងប្រមាណ១២ថ្ងៃត្រង់ ថ្ងៃទី១៦ ខែកុម្ភ: ឆ្នាំ២០២០ ស្ថិតក្នុងភូមិរមាស ឃុំតាំងក្រសាំង ស្រុកទឹកផុស ខេត្តកំពង់ឆ្នាំង ។
យោងតាមរបាយការណ៍សមត្ថកិច្ចជំនាញបានចុះដល់ទីតាំង ធ្វើការត្រួតពិនិត្យឃើញថា រថយន្តបើកបរក្នុងល្បឿនលឿនខណៈមកដល់ចំណុចផ្លូវកោងបត់មិនទាន់ក៏ធ្លាក់ចុះចូលទៅព្រៃប៉ះនឹងថ្មបាយក្រៀមធំៗជាច្រើនកន្លែង បណ្ដាលឲ្យបែកផ្កាភ្លើង និងឆាបឆេះតែម្តង រថយន្តដែលឆេះម៉ាកហាយឡិនឌ័រ ពណ៌ទឹកប្រាក់ ពាក់ផ្លាកលេខ ភ្នំពេញ 2BB-4707 ។ សំណាងល្អម្ចាស់រថយន្តបើកទ្វារចេញរួចបន្ទាប់មកបានឡើងជិះរថយន្តចេញទៅបាត់ដោយមិនខ្វល់នឹងរថយន្តរបស់ខ្លួនដែលកំពុងឆាបឆេះនោះឡើយ សូម្បីតែសមត្ថកិច្ចសួរនាំក៏មិនបានផង។

បន្ទាប់ពីបាញ់ទឹកពន្លត់រហើយ កម្លាំងជំនាញបានស្ទូចរថយន្តយកទៅរក្សាទុកនៅអធិការនគរបាលស្រុក ដើម្បីទុកប្រគល់ជូនទៅម្ចាស់ដើមវិញ អ្នកបើកបរមិនទាន់ស្គាល់អត្តសញ្ញាណនៅឡើយ៕