ប្រឹងប្រែងសង់ពន្ធនាគារបន្ថែមទៀត ទាក់ទងទៅនឹងគ្រឿងញៀន
សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក្នុងឱកាសចូលរួមជាអធិបតីក្នុងពិធីបិទសន្និបាតត្រួតពិនិត្យការងារឆ្នាំ២០១៩ និងលើកទិសដៅការងារឆ្នាំ២០២០ នៅរសៀលថ្ងៃព្រហស្បតិ៍ ១២រោច ខែមាឃ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២០ ខែកុម្ភៈ ឆ្នាំ២០២០នេះ បានថ្លែងថា ក្រសួងបានប្រឹងប្រែងសង់ពន្ធនាគារបន្ថែម ក៏ប៉ុន្តែសង់មិនទាន់នោះទេ ដោយសារជនសង្ស័យទាក់ទងទៅនឹងគ្រឿងញៀនដែលសមត្ថកិច្ចចាប់ក្នុងមួយថ្ងៃៗរាប់សិបនាក់។
ប្រឈមនឹងបញ្ហានេះ សម្តេចបានឲ្យដឹងថា ក្រសួងកំពុងរិះរកវិធីសាស្ត្រផ្សេងៗ ដើម្បីសម្រួលដល់ការកកណែនអ្នកទោស នៅក្នុងពន្ធនាគារដូចជាការលើកលែងទោសទណ្ឌិតដែលមិនមែនគ្រឿងញៀនបន្ទាប់ពីការកាត់ទោសហើយ។
សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បញ្ជាក់ថា ក្រសួងមហាផ្ទៃបានសាងសង់និងជួសជុលពន្ធនាគារនៅទូទាំងប្រទេសបានយ៉ាងច្រើនតែនៅតែមិនគ្រប់គ្រាន់៕
